اسعد الله مساكم ياعيال عمي ،،، هذي طوال الله عمركم وعمر الضيوف الكرام سالفة بين نمر بن عدوان وجديع بن قبلان الله يرحمهم واموات المسلمين سمعتها من الراوي : ابو سالم عيسى الشمري الله يمده بالصحة والعافيه يقول فيها : هذا نمر ابن عدوان اخذ واحدن من جماعتوه وقالوه اركب على هالقعود ورح بهالكتاب الياما تجي جديع بن قبلان وهات لي مردوه وهو ينهج المرسال وهو يسعل ياما يجي هكا العرب ويسال عن جديع ابن قبلان قالو جديع مع هالبل ( الابل ) وش تبي بوه قال انا مرسالن من نمر ابن عدوان مرسلني عليه ولا يامار يخبرونو الرجال وتقل محزنين قالوا انت مرسلك نمر ابن عدوان علشان وضحى ميتتن لوه جديع عيالوه اربعتن اللي ماتو واخوه الخامس ( جوه له قوم وذبحوهم دون محرماتهم واخذو حلالهم _ هم عيال اخو جديع ) اما فت عند حدا هالبيوت وضف عندهم والا ارجع لنمر ابن عدوان جديع ماهو يمك هالحين ،، قال ياجماعة الخير ان رحت لنمر بن عدوان وانا ما اوصلت كتابوه يذبحن نمر ابن عدوان مير انتم علمونن ببيت جديع انا ابي نار جديع ولا جنة نمر ، قالوا هذاك بيتوه وهو يخطروه المرسال هكا الحين البدو ما يسعلون الطرقي الا عقب ثلاثة ايام يوم تعشوا جا يبي ينام المرسال ما جاو نوم قال يا جديع قال هاه قال انا مرسالن من نمر ابن عدوان مرسلني عليك قال وشو يقول قال يقول :

ياراكب من عندنا فوق نضي = مامون قصام العصى يوم ناظي
حر كتوم ولابحسة يجضي = ولامشى يشدى عريف العياظي
فوقة غلام لاهرج لك يفضي = بهلولي ما هو خطاة العكاظي
يبدي جواب ن من ضميري يفضي = من نمر ابن عدوان لجديع فاظي
يازبن مضعون الضحا يوم كظي = ناريز بارقاب المناعير ماضي
ياجديع وارجوى عشيري تمضي = رجوى اليهودي للبكار البياظي
عزاك يابرق شلع لة تلظي = من غر مزن كل ما ناض ياضي
كانة على المجمول ياكبر حظي = يسقي جوانب قبر صافي البياضي
خل العذف من فوق قبرة يكظي = يطلع يشوف السيل عنق العياظي
ياعود زملوق ن على الموح غظي = لارصة الجاري على الجال جاظي
ونيت ونة محرجة كود حظي = ولجن معاليق الحشا بانتفاضي
ولا عدت ياوقت ن حياتي تمضي = وايام ما قضيت فيها غراضي

قال جديع للمرسال تبي تسري والا تبي تصبح قال المرسال الا ابصبح يوم اصبحوا قال اليارحت لنمر سلم لي عليه وقلوه بدال وضحى ياخذ اربع لكن انا اللي ما تبرى مصيبتي اليا الحشر عيالي اربعتن اللي ماتوا واخوي الخامس لكن سلم لي علي وقلوه :

ياطير ياللي بالجناحين ياللي = تحوم بالخضراء ولا لك ضلالي
ياليتني ياطير مثلك واعلي = واهيض العبرت بروس العوالي
ابتسي على خمس ن غدو من هلن لي = راحت بهم يانمر سود الليالي
وابتسي على اللي لا حتسا ما يزلي = من خلقته ما قال ذا لك وذا لي
عمود بيتي عن سمومن وضلّي = وصميل قلب اليا نوينا المحالي
يانمر ما عينت خلك وخلي = مع الجهام اللي مع الطرق حالي
يانمر دنيانا سراب ن وظلي = رودم على روس النوابي وزالي
يانمر كل اللي عليها مولي = متروح ن ياليهيه يا هملالي


وسلامتكم
اخوكم : معااااند ااالوقت