ولعي يا نـار فـي قلـب الهـواوي
من لهيب الشوق ما يشفـي غليلـه
الفؤاد اللـي لخلـه صـار هـاوي
مهرة (ن) داوت جروح (ن) لي عليله
في حلاها فاقـت التمـر الحسـاوي
وقد تخطت كل مـن قالـوا جميلـة
تلبس الثوب الحمـر ولا السمـاوي
تصبـح الألـوان للمهـرة عميلـة
أملس الخدين مملوح (ن) سحـاوي
أغنج (ن) منقوش في قلبـي دليلـه
خصرها الناحل علا الردف الرهـاوي
والدلـع والـدل للغالـي سليـلـة
من عرفته صرت فـي دنيـاي راوي
من غلاها عنـدي تسـاوي قبيلـة
علقـت قلبـي بوثقـات الـعـراوي
وأزهم المزيـون لا يخلـي سبيلـه
والله انـي بعدهـا حالـي غنـاوي
أصبـح بجنـة وأمسـي كـل ليلـة
ليتها تاتـي علـى كيـف المنـاوي
لا تمناهـا عـن ضلوعـي بديلـة
غيرهـا والله لا يمـكـن أخــاوي
في طريـق الحـب محلاهـا خليلـة