ياصاحبي ماني براعـي مهـاداه
اماارضني وإلا اجفني واستخيري
امـا تعـال وماطلبنـاك عطنـاه
وإلا تروح وجعل دربـك سفيـري
من شق شق يااريش العين يرفاه
وانت الذي شقيت خافي ضميري
تضحك وانا صملان قلبي مطـواه
تقول لي ليـن الفلـك يستديـري
مانيب من يطرد سراب بمضمـاه
شاف السراب ويحسب انه غديري
عيني على شوف الولايف مضراه
جزوع لاشفت الجفا من عشيـري
مايستـوي حـب بليـا مراضـاه
بيني وبينك ياالغضي مايصيـري
تفضل يا عمي ابو صالح عساها طلعت لك ابيات حاتميه الحين