بسم الله الرحمن الرحيم

السلام عليكم ورحمة الله وبركاته

هذي القصيدة كلمات ... الأستاذ الشاعر .. عبدالله محمد العودة



[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
جعل الذي قاصي عن النعم للسم = وان عاش جعله للحياة العليلة

وش خانة اللي عاش ماقيل به نعم = وسمعته ماتعتلي بالقبيلة

أفديك يارجل المروات ياشهم = اللي كسب بالطيب راعي الجميلة

اللي أفعال الطيب له جابت الاسم = اسم المعزة لاذكر يرتكي له

اللي يهمه هم ربعه ويهتم = ويشيل عنهم نايبات(ن) ثقيلة

لاستفزعوا به جزم قام وتحزم = ولو كان مابيده حلول(ن) وحيلة

مما لحقهم من مغمات منغم = ياقف وينعت ويتحزم شليله

اللي عطى جاره حقوق(ن) لها سلم = وليا قطعه جاره بنفسه يجي له

لاجاوه الضيفان رحب وكرم = ولو كان معسر حقهم مهتني له

الى زهمه مضيوم قبله تولم = ويحميه ليا من حط نفسه دخيله

يستاهل اللي طيفها جاه بالحلم = الفاتنة ام العيون الكحيلة

بنت الشجاع اللي حمل كتفه السهم = وسيفه ورمحه بالملاقى صقيلة

يستاهل الترحيب ويقال له سم = فنجال بن(ن) أشقر(ن) مستوي له

والعود الازرق طبقة الكف بالكم = يطبخ على جمر الغضى مايكيله

والحايل اللي لاخزموها ترزم = تنحر على شانه تراها قليله[/poem]