[poem font="Simplified Arabic,6,black,bold,normal" bkcolor="transparent" bkimage="" border="none,medium,purple" type=2 line=0 align=center use=ex num="0,black"] حدتني الـدنـيا والاقدار لاقصاي =في ساعةٍ فيها تضيع الهـقاوي جتني تهــل الدمـع تبـكي من بكاي =جتني ومدمعها على الخد هاوي يا كبر بلـواها ويا كبـر بلــواي =عز الله ان الحب كـلـه بـلاوي تبي تزوّج عرسهـا الاربعاء الجاي =حتى أهلها موزّعيـــن الدعـاوي هذي حياة الموت يا عزف الناي =هذا الشقا يوم ان حظي شقاوي وشلون ما احسّه وهو يقطع احشاي =طعم الفراق وحزن ما هو بيـاوي وشلون خلّتني وحيدٍ بدنياي =وانا الذي راحت حيـاتي هـواوي وشلون طوّعها الزمن يـوم فرقاي =ما فادها كـثر البـكاء والرجـاوي جتني تقول ارجوك قلّي وش الـراي =بالله يالمحبوب ويش انت ناوي قلت انته ما عاد تنفعك شكواي =واللي حصل في حبنا امرٍ سماوي يا بنت والله مـا اشكي الا لمولاي =لا حدّني ضيم الــزمـان الـقـسـاوي روحي يا عل الله يوفقك ويـاي =روحي تراك بحل ما به خـطـاوي قالت تجي للعـرس ذاكرت دعواي =قلت لعذر يابنت مــاني بقــاوي الله يهنيكم وانا اعيش مجراي =لو عشت يطويني من الحزن طاوي يا بنت زوجك ما حسبـته من عداي =لا تغدرينه في جمـيع الـدعاوي يا بنت كانه مات في عمرك لقاي =لا تحرميني ليل ذكرٍ خلاوي يعيش حبي لو تعيشين ذكراي =تذكرني يوم انا كنت هاوي روحي ترى ماني للاحباب نسّـاي =في ذمتي ما انساك سارح وضاوي روحي معك فالحب ما خاب مسعاي =والسر مـحفوظٍ بقلبٍ غلاوي حقك عليّ إني لبين لك رضاي =ولا حب بعدك فالبنات الـغـناوي وحقك عليّ اني فلا اجيك للقاي =دام ان مال الزوج ذنب وخطاوي مع السلامة واستري ماضي اخطاي =وقتٍ مضى يوم ان قلبي مهاوي وآخر كلامي أطلب من الله دعاي =انه يصبرني ويستر مضاوي[/poem]