بنائآآ علي طلب ولد حايل نزلت هذه القصيده

لولاك يابو خصـر ملهـوف
وش لي مع الشعـر ولحونـه

الشعر حرفه .. غدى محروف
واجـد رخــومٍ يقولـونـه

تعال نخـرج عـن المألـوف
بعـض الهواجيـس ملعونـه

مكبـوت بالعطافـه مكتـوف
والمـوت لاخابـت طنـونـه

ابليس يغـوي وأنـا ملهـوف
نهايـتـك غـيـر مأمـونـه

النـاس مانـي بهـا مكلـوف
وش عاد لـو تخـزر عيونـه

الروح مـا تنحفـظ بالخـوف
بأجالهـا الـروح مرهـونـه

تعال نلعب علـى المكشـوف
ونتيجـة اللعـب مضمـونـه

أبيـك تعملبـي المـعـروف
ليا متـى النفـس مغبونـه ؟

لاوين تبقى معـي مكسـوف
العشـق فضـاحـه عيـونـه

ياتل قلبي من أقصى الجـوف
تـل الرشـا مــن يتلـونـه

أو تل فرد بطريـق الجـوف
والأمـن طـافـح يلـزونـه

عليـك ياضامـر السرجـوف
يـوم الهـوى نـوخ ظعونـه

منساك واللي عطـاك النـوف
كـود النصـايـب يغـزونـه

بالعون مالك شبيـه وصـوف
مـن يخطفـك مـا يلومونـه

العين شافت حـلا وتشـوف
مـار البـلا فيـك مفتـونـه

يازول ريـمٍ تقـود خشـوف
أو مهـرةٍ مــا يعسفـونـه

فرقـاك قلبـي تلوفـه لـوف
وكـل العـرب مـا يعزونـه




الشاعــر الرائــع

مـهــل بن نهــــير بن عــدوان الـكثـــــيري