بسم الله الرحمن الرحيم

السلام ليكم ورحمة الله وبركاته

هذه القصيدة غزلية .. للشاعر .. عبدالله العودة




[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ياناصر بن عبيد انا شفت لي زول = سبحان رب(ن) صوره جل شانه

سايق فواتير التلفون بالمول = وكل(ن) تسمر يوم شافه مكانه

وجانا مطوع قصده النصح بالقول = لكن تبلعم يوم شافه وزانه

تقول كن الحلق والزور مقفول = او انعجم ولا انربط في حصانه

تايب ولكنه نكس عكس مدبول = خلى المطاعه كلها والديانه

من كثر مابحلق عيونه غدن حول = واطلق عيونه وامتلت بالخيانه

شاف الجمال اللي غدى منه مذهول = وصار افتتانه منه صار افتتانه

صار افتتانه من خشيف(ن) خذا عقول = عقول روس ثاقلة بالرزانه

خفت من الظبي العفر ياهو يهول = ظبي(ن) رتع بين اللهد والطمانه

ريان عود(ن) كمله زاهي الطول = تقول عود الموز والخيزرانه

مظمر السرجوف والخصر منحول = ناعم معزل عمر ويا ليانه

والعين عين الريم والخشم مسلول = ومبيسم(ن) كاالتوت لولو ثمانه

وصدر(ن) زما وماني عن الوصف مسؤول = والعنق يذبح بارقه ولمعانه

وباقي وصوف(ن) تجعل الرجل مهبول = لو قلتها بتقول ماني تكانه

وان كان به ريق(ن) مشير ومعسول = مااظنه الا بشفته وبلسانه

وان كان به جسم(ن) به المسك محلول = او به نفس كفايح الزعفرانه

فماهوب معقول(ن) وبه صار معقول = حور(ن) من الجنه مزج في كيانه

ياحظ منهو صار وياه معزول = يرعى ربيعه ذايب(ن) في حنانه

ومن يوم شفته بس اهذري بلحول = صار الذكر (حوقال) ويا استعانه

الحول دار ودار بعده بعد حول = ساعة ويوم وشهر ويا زمانه

ولليوم وهو لاعب بفكري على طول = مافيه غيره شل فكري وهانه

ياناصر بن عبيد انا ادور احلول = تكفى زهمتك والنصيحة امانه[/poem]



حوقال معناها : لاحولا ولا قوة الابالله