يابوي جعلك للبقا والمكاسيب
عمري بدونك يالذرا وش ابي به ؟؟
::
أبسألك وش به غزا وجهك "الشيب"
والقلب لايع والنواظر شحيبه
::
وش بك تحاتي لانوى الوقت تغريب ..
تخشى علينا بالليالي {الكئيبه}
::
خذ دلتك .. واركى على مسند الجيب ،،
وعطني شماغك بلثمه واحتمي به
::
ونروح لأرض بها العشب والطيب !
وتسمع كلام يالغلا تحتفي به
::
يابوي بنتك لاانحكى بالتجاريب ..!
كل يشق لهيبة الصيت جيبه ..!
::
وإن كان "زيني"فتنة للمصاويب
احط وجهي بالحريق ولهيبه
::
زيني أبيعه .. وأشتري سمعة الطيب
أسم ينومس بالصروح الذهيبه
::
وياشيخي أبشر لو تدور الدواليب
بنتك إلامنه عوى الذيب {ذيبه} !! ..
"