قصيـدة للشاعـر رشيـد بــن سـعـد آل مظـهـر الكثـيـري

أهلا هلا باللي لفانـا مـن الشـام * أولاد لام بكـل قريـة وديـره
يا مرحبابه عد ما حدّرت لام * قبايلٍ مـن نجـد بـارض الجزيـره
ويا مرحبابه عد ساعات الأيام * واعداد ما فـي لام فخـذ وعشيـره
وعداد ما يكتب لهم حبر الأقلام * يشهد لهم تاريـخ نجـدٍ وغيـره
تاريخهم يشبه أساطير الأحلام * واللي قراه يذوق نقـص ومريـره
منهم كثيري فارسٍ حـر مقـدام * فيهـم حميّـة للقبايـل وغيـرَه
ومنهم مغيري رافع السيف همّام * مذكورةٍ في نجد وسـط الجزيـره
والفضلي ان دارت دواليب الأيام * ما ينكر التاريخ مجـد المسيـره
يا عزوتي ياللي سقيتوا من السام * حريبكم بسيـوف لام الشطيـره
يا ما لطمتوا من شجيعٍ ولطّام * ويا ما كسبتوا مـن غنايـم كثيـره
حنا حكمنا نجد اربع مية عام * والله عطا للناس شـوف وبصيـره
مذكورةٍ في نجد من عقب الإسلام * نسل الصحابي اوس جوها مسيره
نسل الصحابي اوس يا خير الأقوام * سلايلٍ من طي كسـب الكبيـره
الضيف يلقى عندهم خير وانعام * ولا الحريب يـذوق نـارٍ سعيـره
صبيهم في الحرب فارس وضرغام * اللي ضرى من يوم سنّه صغيره
ربعي سلايل طي ربعي بني لام * ربعي مصابيـح الظـلام المنيـره
يقولها من عزّكم طـول الأيـام * كثـران ولاّ فضـول ولاّ مغيـره
الله يجمعكم على راي الإسلام * ونرجي سحاب الخير ينـزل مطيـره
في ظل ابو فيصل فهد زبن الأيتام * في خدمة الإسلام كـلٍ يشيـره
وختامها صلوا على نبع الإسلام * محمد المختـار فـي كـل سيـره
والمعذرة كان المشاعر والأقلام * ما وفّت بحـق الوجيـه السفيـره


منقووول من منتدى عيال عمنا الكثران


م ((( المغيرة ))) ف ((( الفضلي ))) ك ((( الكثيري ))) = مفك