رســـــالة وداع
تحرق أعصابي وهي البرد بعصابه
بس الرسائل ولاجيته ولا جاني
يومن نفس الشقي بالحب منصابه
خمسة سنين مضت مافيه نكراني
وهديتي سور البنا طابه ورا طابه
وحملت حزن الجفا وشجون واحزاني
ماكنت افكر تخون النفس بحبابه
واعلنت لك الوفا في كل مــيدانـــــي
واليوم صار الهوى بالسوق يشرابه
ومشيت درب الزلق اغواك شيطاني
وصار الثعالب تحد الذئب بنيابه
وصار الاسد بالخطر من ثعلب ثاني
اللي يحسب الهوى بالنهب ونهابه
مايدري ان الغلا ما يرحم انساني
يروج لها سلعة خسران جلابه
صنفت ماطابلي والهرج نيشاني
حكم القدر صابني بالروح وادوابه
لين اتضح دمها يسري بشرياني
اللي سهم عينها بالقلب مضرابه
تلعب وقلب المولع نار بركانــي
لاتذبح الناس ورد السيف بجرابه
واعلنتي عقب الغلا صد وهجراني
هذه القصيده للشاعر / ردام الفضلي