ღ بنـت الرِّجــال ღ

[poem font="Simplified Arabic,6,black,bold,normal" bkcolor="transparent" bkimage="" border="none,medium,black" type=4 line=0 align=center use=ex num="0,black"]
أنا بنت الرجال اللي يعزُّون الخوي و الضيـف=أنا بنت الرجال اللي تنومـس مـن حكـا فيهـا
أنا بنت الكريم اللي يزبِّن مـن وطـاه الحيـف=أنا من لابـةٍ مـا هـو موفّـق مـن يعاديهـا
أعرف إن الرجال رجال ما تمشي دروب الزيف=و أعرف إن الضعيف ضعيف نفسه دوم مذِّيهـا
و بما إني عزيزة نفس ماني حاسبـه لضعيـف=لعلـه يفهـم التلمـيـح دام إنــي بعديـهـا
و بكتبها هنا جمله صريحـه مـا بهـا تزييـف=ترى أسلوبي مع ردودي تفسر عكس ما ابغيهـا
و أنا ردي يجي عادي و طبعي ما عرف تكليف=و لكنـه ضعيـف النفـس بأفكـاره يسرِّيـهـا
و لأني أدري إن الناس ما تاتي على أدنى كيف=أنا بصبر على هـذي و احـذر قبـل أداويهـا
ترى بعض البشر تمشي بكلمة و البعض بالسيف=و كثير أشخاص رمشة عين تقرِّبها و تودِّيهـا [/poem]

نقلتـها لكـم ../ هيبة الصيت