مسـآئكم دهن عوٍوٍد ..
صبـآحكم جنـآئن اليـآسمين .!

وهـآ أتيت وروح الكرـآمه هنـآ .!
ممـآ رآقني .!
بين أييديكم .!


...
خسيتـــي لعنبو جدك .. خسيتــــي والغلـط ينعـاب
خسيتـــي واقلبــي وجهـك.. ولا كلمـه؛ ولااجابـه

خسيتــي والزمــي حدك.. تراهـا ضاعـت الاداب
انا لاطاشت جنونـي.. يعـرف الجاهـل ادابـه

وش المغزا من الكلمه بلا داعـي بليـا اسبـاب
وهرج الكذب والتجريح .. قوليلي وشهي اسبابه

انا الشرهه علي اني فتحت لخافقـي كـم بـاب
ولكن مثل ماجيتي .. تـرا كبـر الجمـل بابـه!

خذي نفسك معك برا .. ثم انقلعي بـدون إيـاب
فمان الله ؛ والا اقول .. فمان ابليس واصحابـه

تحسبــيــني على فرقاك ابنـدم واغـرق الاهـداب
انا مبسوط يوم اني .. طردت الشـوم وغرابـه

انا ما اعاشر الخاين ولا اسمع هرجـة الكـذاب
ومثلك قيمتـه عنـدي تحـت الزيـرو حسابـه

هذاك اللـي يزفونـه حقيـر وخكـري ولعـاب
عجبك ان قذلته شقراء ويميّـل بالشعـر كابـه

صحيح انه حقير وزين وشكله للنسـاء جـذاب
تشّبه بأختـه فلانـه .. ومنهـا الـدم متشابـه

وانا مانيب حرف الجر .. تجرينه على الاعراب
انا حرف(ن) جزم نفسه.. ومثلي يصعب اعرابه

تشوم النفس عن زينك عقب ماطاح فيها ذبـاب
وانا حر(ن) ولد حر .. تركـت الزيـن وذبابـه


انا شيخ(ن) ولد شيخ ؛ بذكره تنعـم الانسـاب
اليا قام العرب كل(ن) .. يراجع دفتـر انسابـه

ولد شيخ(ن) وسط ربعه له بين الرجال حسـاب
اليا ضاقت به الارجاء .. يهـز الارض مشعابـه

محنكني على الطيبه من يومي صغيـر وشـاب
اجل وش رايك بطفـل(ن) دلال القهـوه العابـه

(ترى بدري على مثلك تعيب وساسهـا معيـاب
ياليت اللي يعيبنـي .. يحـاول يستـر ثيابـه)

انا لاجتني الزلـه مـن الجاهـل وهـو كـذاب
تركت القافله تمشـي .. وراهـا تنبـح كلابـه

وانا ليامن كشف ان الخوي اصبح لسانـه داب
نزعت السم من عرقه و**ـرت بمخلبـي نابـه

خلاص اليوم يافلانه ؛ كرهتك والقلوب اغـراب
(وترى كل طير(ن) بكبد السماء يشبع بمخلابـه)

خساره مثلك بقلبـي تضمـه غرفـة الاحبـاب
وخساره غلطة العاشـق ؛ يحطـك اول احبابـه

بعد هذا تبين ارجع لاجل عينك نصير اصحـاب
خسيتــي واقلبــي وجهك ؛ ولا كلمـه ؛ ولااجابـه


وسـلآمتكم