مجلس قبيلة الفضول التوثيقي الرسمي الأول - وموقع واجهة القبيلة - عرض مشاركة واحدة

#1 22-05-2008, 02:30

هذي قصيده مهداه إلى الأخ العزيز أبو نايف عصام سلمان الدبوس ...

بمناسبة نجاحه في الانتخابات واختراقه لكل التحالفات ...

[poem font="Traditional Arabic,7,darkblue,bold,italic" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
الفوز لك ياراعين للمهمات = شف كرسي المجلس ... أخذته بيمنيك
الشعب حبك ... وأسمحولك بالأصوات = كل القبايل والحضر ... ناخبينك
وربعي ... ولاخلوك فوق المجرات = فضول ... أعطوك الوفا مصدقينك
عصام ... ارقى فوق هام الطويلات = وترى العرب وياك ... حصن لحصينك
جملتنا ... يوم العرب صاروا أموات = من بعد الله ... ثم وقفة حنينك
عليك ... من سيما الشهامه علامات = وكل ٍ يقبل سيمتك ... في جبينك
صارت أمور الناس ... منك سهالات = والطايله وياك ... بينك ... وبينك
ياراعي المعروف ... ياطيب الذات = أنا أشهد إنك وافين في سنينك
يامفرح المظيوم ... وإن راحت وجات = صوت النشامى ... ماتناسته عينك
ياولد سلمان ... المسمى بفزعات = فزعات أهل الطيب ... هي ناظرينك
عصام ... تخضعلك جميع الملفات =والزين زينك ... والله يديم زينك
هذي قصيده ... قلتها فيك بالذات = وأنته رهين الشعر ... وأنا رهينك
مبروك يالدبوس ... يا حر الأصوات = والله يرحم يالوفي ... والدينك[/poem]

وسلامتكم

واسمحولنا على القصور ...

ولا عيال عمي تستاهلون أكثر ...