القرم
انور
السلام عليكم ورحمة الله وبركاته
مليون في مليون نعم فيك وفي ابوفلاح
يقول الشاعر
الطيب فرصه و الجمايـل توافيـق = ومن لاتوفق ماكتـب لـه جمالـه
ومن لارقى للطيب روس الشواهيق = مازان لـه وقتـه علـى مابدالـه
ومادام لفعول الجمايـل عشاشيـق = كسب الجمايل ما يجـي بالسهالـه
ولو انها تشرب مع فكـة الريـق = كل خذا له كل مـا اصبـح بيالـه
والطيب منوه للقلـوب المشافيـق = كـل يتـوق ومنوتـه راس مالـه
والمدح مايزهى على الرجل ويليق = الا لا صـار ت وافيـات خصالـه
يستاهلـه رجـل يفـك المزانيـق = اللي يقال ونعـم لا جـاء مجالـه
ومن ساقته نفسه وهو مابعد سيق = لاجـل الجميـل يزيـن الله فالـه
والمرجله ماهي بتحتـاج تنسيـق = من بين قلب اللي عشقهـا وبالـه
ومن عادة الدنيا تخون المواثيـق = تفتـر مكرتهـا سـواة المحالـه
ولو لا اللوازم ما عرفنا المخاليـق = مانعـرف الرجـال ليـن انعنالـه
والكفؤ تظهر فزعته حزة الضيـق = وينشاف في الشده بعيـن العدالـه
نسل الرجال متعّبين المـلا حيـق = متوسط مـن بيـن عمـه وخالـه
والفصيده اطول من ذلك وتطول واعيد واكرر مليون في مليون نعم فيك وفي ابوفلاح والقصيد ما يوقيه حقه ونعم ونعم مليون
جل التحايا