حرام عليك يا لعيباوي
أبو عساف مو حمل صياح وهزيز رماح
وأنت خابر وبالعلم داري
أبو عساف ها اليومين دوره في مثل هذي :
البارحة يوم الخلايق نياما
====بيحت من كثر البكا كل مكنون
قمت اتوجد وانثر الماء على ما
====من موق عين دمعها كان مخزون
ولى ونة من سمعها مايناما
==== كني صويب بين الأضلاع مطعون
وإلا كما ونت كسير السلاما
=====خلوه ربعة للمعادين مديون
في ساعة قل الرجا والمحاما
====وهو يطالع يومهم عنه يقفون
وإلا فونت راعبيي الحماما
====غاد ذكرها والقوانيص يرمون
تسمع لها بين الجرايد حطاما
====من نوحها تدعي المواليف يبكون
وإلا خلوج سايبت للهياما
=== على حوار ضايع في ضحى الكون
وإلا حوار نشقوله شماما
=====وهي تطالع يوم جروه بعيون
يردون مثله والظوامي سياما
===== ترزموا معها وقامو يحنون
وإلا رضيع جرعوه الفطاما
======= توفت امه قبل اربعينه يتمون
عليك يا اللي شرب كاس الحماما
====== صرف بتقدير من الله مأذون
جاه القضاء من بعد شهر الصياما
===== صافي الجبين بثاني العيد مدفون
كسوه من بيض الخرق ثوب خاما
=====وقاموا عليه من الترايب يهلون
راحوا بها حروة صلاة الاماما
===== عند الدفن قاموا لها الله يدعون
برضاه والجنة وحسن الختام
===== ودموع عيني فوق خدي يهلون
حطوه في قبر غطاه الهداما
==== في مهمه من عرب الامات مسكون
يا حفرة يسقي ثراك الغماما
===== مزن من الرحمة عليها يصبون
آآآآآآآآآآآمين
جعل البختري والنفل والخزاما
====== ينبت على قبر به الترف مدفون
مرحوم يالي ما مشي بالملاما
====== جيران بيته راح ما منه يشكون
شوف اللي مهوب أنت يا لعيباوي
يا وسع عذري وأن هجرت المناما
=======ورافقت من عقب العقل كل مجنون
آآآآآآآآآآآآآآآآآآآآآآه
أخذت أنا وياه سبعة اعواما
======== مع مثلهن في كيفة مالها لون
والله كنة يا عرب صرف عاما
=======يا عونة الله صرف الأيام وشلون
وأكبر اهمومي من بزور يتاما
=======وإن شفتهم قدام وجهي يصيحون
وأن قلت لا تبكون قالوا علاما
======== نبكي ويبكي مثلنا كل محزون
لاقلت وش تبكون ؟ قالو يتاما
========= قلت اليتيم اياي وانتم تسجون
قمت اتشكا عند ربع قداما
======= جوني على فرقا خليلي يعزون
قالوا تجوز وانس لامه بلاما
===== ترى العذارى عن بعضهم يسلون
قلت إنها لي وفقت بالولاما
======= ولو جمعتو نصفهن ما يسدون
ما ظنتي تلقون مثله حراما
=========ايضا ولا فيهن على السر مامون
وأخاف أنا من غاديات الذماما
=========اللي على ضيم الدهر ما يتاقون
أوخبلة ما عقلها بالتماما
======== تضحك وهي تلذغ على الكبد بالهون
توذي عيالي بالنهر والكلاما
========== وانا تجرعني من المر بصحون
والله لولا هالصغار اليتاما
======= وخايف عليهم من الدجه يضيعون
لقول كل البيض عقبة حراما
======واصبر كما يصبر على الحبس مسجون
عليه مني كل يوم سلاما
======== عدة حجيج البيت واللي يطوفون
وصـــــلّـوا على سيّد جميع الاناما
===== = على النبي يللى حضرتوا تصلون
اللهم صل على محمد
هات مثل هذي يا لعيباوي وخلنا من القشر الله يرحم والديك
|