مجلس قبيلة الفضول التوثيقي الرسمي الأول - وموقع واجهة القبيلة

- - حكم درباس على شرعان الشمري ؟؟؟؟؟! (http://www.alfothool.com/vb/showthread.php?t=35061)

حكم درباس على شرعان الشمري ؟؟؟؟؟!

كان شرعان بن فهيد بن فاران بن رمال الشمري يعيش في جبة قبل سنين عديدة في جبه وكان كثير الخلاف مع جماعته الأمور العامة فقالوا لماذا لا نرسل على زوجته من تقنعها بالتحدث إليه أثناء الليل فنفذوا هذه الفكرة ولما أرخى الليل سدوله جائته زوجته (ابنة عمه واسمها فزه ) فحدثته بهذه الأمور التي لا تعنيها فغضب عليها وضربها ورمى عليها يمين الطلاق فذهبت إلى بيت أهلها فلما هدأت أعصابه تندم على فعلته وذهب ليرجعها من أهلها فقال عمه البنت حرمت عليك واسأل المشايخ ( دايس ودرباس) فهم من حرموها عليك فذهب إلى العراق بعد ان ضاق ذرعاً بمن حوله فهاجر إلى العراق واستضاف شيخاً من شيوخ المنتفق وأمضى بقية حياته هناك
وشرعان شاعر فذ وتصور طريق عودته إلى جبه من نسج الخيال مبتدئاً من ريضان الحجر في العراق مروراً بعذفا وحفر النفود إلى أن وصل إلى قريته التي فارقها قبل سنين ويشرح معاناته فيها وهاهي القصيدة :

ياراكب ثنتين يشدن الاقواس=من دار ريضان الحجر حركني
مافوقهن ياكود الدويرع وجلاس=وسفايفٍ بين أربعه يلعبني
تحركن من عندنا حين اللإدماس=ومضى سواد الليل مابركني
حطن علم عذفاء يسارٍ من الراس=والظهر من ورد الحفر يشربني
حطوا لهن مع هثلة البدو بلاس=عن الحضر واللي بالخلا يسرحني
وإليا لفيتوا عند مدقوق الألعاس=الجادل اللي بالمحبه محني
قولوا على حبل الرجا نطوي الياس=والبيض غيره كلهن يحرمني
لو يندوي جرحي دويته بزفواس=وابني لباب البيت منكنم ومني
والله يعلم بالخطايا والاوجاس=حب مضى من صغر سنك وسني
مريت دارٍ ماتقل جته الاوناس=وونيت ودموع العيون اذرفني
جيت المراح اللي به العشب محتاس=عشبٍ على مضرب وساده معني
محذا سماد النار ومشاقة الراس=وثلاث لايبكن ولاينبكني
لي بنت عمٍ ماوطت درب الادناس=ولادنست يوم النسا يدنسني
ضربتها وانا احسب الضرب نوماس=وطلقتها يوم افخت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبه على الطير قرناس=اضحى الضحى بمويكره مستكني
ولو ينشكي حبه على قب الافراس=عين نهار الكون لايفزعني
ولوينشكي حبه على ذيب الاخماس=يسرح مع الطليان مايجفلني
ولو ينشكي حبه على الميت ما ناس = يثور من بين النصايب يوني
ولو البيوت مشددينه بالأمراس = عين مع الخفرات لا ينبنني
ولوان غوطه وام سنمان وضراس=يدرن مابقلبي لقلبه بكني
تلقى سهل جبه هضابٍ و منحاس =وحتى الجبل بالقاع صار متثني
وحتى النجوم اللي مع الليل غلاس=لوينشكي حبه لهن وقفني
اشرفت راس ضراس من فوق الاطعاس=ولا لوم طراد الهوى لو يجني
هليت دمع العين واوميت بالراس=ورافقت كور العيس ياما ابعدني
وابعدت نفسي عن شقا كل وسواس=البعد خيرٍ من حياة التمني
وياعم ياللي طعت بي هرج الأنجاس=طاوعت هرج الناس واخلفت ضني
اطعت بي ياعم دايس ودرباس= عوارض صدقتها وابعدني
من لاخذا من درس الاسلاف نبراس=تمضي حياته بالرجا والتمني
واقفيت ادير بضامري كل هوجاس =على وليف بالحشا غاب عني
تكبي خواطرهم اليا جيت عساس=ماتقل انا منهم ولاصار مني
انا زبون الحرد للخيل مدباس=ياكلشن شهب الشوارب نخني
نفسي تشوم عن التدبلح مع الساس=ولاعاش منهو عن خصيمه يكني
لو صرت انا المقلاع ماشلت الاضراس=والموس مايقطع بليا مسني
يا صار ماربعك على الراي جلاس=وجنحان طيران السعد يلفحني
تصير دومن للرجاجيل مدواس=مثل اللذي يسمع صفير المغني
وانا احمد اللي خالق كل الاجناس =واعطى وساع القاع مافيه مني
دارٍ بدار ولامناحاة الانجاس=لاصار مايمناك عينك تزني
في بلدة الغراف من جملة الناس=ولاني بمن يرجي الفطايس تحني
دار بها الاجواد لولابها الحاس=دايم تذكرني