مجلس قبيلة الفضول التوثيقي الرسمي الأول - وموقع واجهة القبيلة

انا ترفعت عن غيري منازل
والي ويه اهل الكرم صدك منازل
انا لدرب العشق كبلك منازل
بس حضك حلو جابك عليه
حديقه بعلم رب الكون ضليت
وعن درب العلم يا ناس ضليت
شجره وبس عله العاوين ضليت
وصرت سايق مخده وجودليه
يدهري شبيك بالله من صفاتي
صافي وجذب تلكه من صفاتي
والوفه والخير والحب من صفاتي
وصفات الكرام كلهن ذني بيه
وحق من نزل الايه ولكتاب
جاز الكلب من عدك ولكتاب
رسايل بعد ما دزلك ولكتاب
لان كلهن ترجعهن عليه
حرت اش اشتري كيه لو بيكم
ومدري الصوج بيه لو بيكم
والله لو تلعب لعب زيدان وبيكهم
ما اخليك تراوغني وتشمت الناس بيه
رظعتيني الصبر والضيم يماي
وكتلني العطش وانه بجرف يم ماي
حبيبي اكبال عيني دوم يماي
واحسه ابعد من النجومالثريا

خلاص يوم الحزن وانتظر غادي
وعليك الكلب مثل الجمر غادي
باجر يصير حساب غادي
شتكول لربك علي السويته بيه
وحق من مرضك ياسمر وشافااك
اتخيل كلمن لمح حسنك وشافاك
لون اشتم عطر خدك وشافااك
مناعه من الامراض اتصير بيه
عشكتك عشك بابل وسومر

وانا كلبي من العشك زنجر وسومر
جنت اشرب تتن دنهر
وسومـــــــــــــــــــــــر
وهسه الاسبين غالي
علــــــــــــــــــــــيا
انا الناوي اروحن ولا عود
لعزف الريابه يرهملي ولاعود
ولشخاط البقي يجيبي ولا عود

اريد ابجي وذب الدموع بسطول
وعدنا بحور ما تنغير باسطول
جثير من الزلم يا خوي بس طول
ويصيح زعتر وافعاله بليه

العشك من استراحينا وهدنه
واخذنا من الدموع راحا وهدنه
يا حلو الطول فك يا خه وهدنه
عجزنه من الهوا وناره سريه

صبن دموع عيني علي حسين
مومهم اسمك علي حسين
المهم تكون صافي النيه