|
سائقه الاتبيس الرياضي
الـــســــ علـــيـــكم ـــــلام
اليوم الثالثه و النصف نحن على موعد دربي الاحبه << وشي دربي مدري يلتقي الحاتمي والفيصلي على استاد مدينه الامير سلمان ضمن مباريات الدرجه الاولى .... ولان حرمه مطار تحت الانشاء فقد تخيلت انا اخواني من ال دعفس الاساتذه صالح و اديب و عبدالمجيد وعبدالاله ومن يعشق الطائي قد استقلو حافله من حائل مجلله بالأبيض والاسود عبر القصيم والزلفي ومن ثم محافضه المجمعه وحرمه ليتمتعو بهذه المباراه ويصفقو للفائز منهما ..... واغرب صوره اني تخيلت ان كبينه القياده لاهذه الحافله معزوله و بقياده الكابتن حـــاتــمــيــه وقد تجاوزت السرعه القصوا وكسرت كل اشارات مرور حرمه لتصل في الموعد المحدد .... ((ارحبو في ضيافت اهلكم في حرمه )) وتمتعو بعد المباره بالمناظر السياحيه :) << اخوكم ابو صــالـحـ |
رد : سائقه الاتبيس الرياضي
واغرب صوره اني تخيلت ان كبينه القياده لاهذه الحافله معزوله و بقياده الكابتن حـــاتــمــيــه وقد تجاوزت السرعه القصوا وكسرت كل اشارات مرور حرمه لتصل في الموعد المحدد هههههههههههههه خوش سواقه ... وينها حتومه تقرأ أخبارها بس ما عزمتني ! الخال أبو صالح مرح دوووم ... عساكم عـ القوه دوووم ... وربي يحفظك ويسرك ... |
رد : سائقه الاتبيس الرياضي
مرحبا سنا .....
وكل ماعديت على الاحاديث النبويه تذكرت ودعيت لك بتوفيق وشكرا على المداخله وحنا قلنا كبينه ملكيه مرحبا بك جنب السائقه وفي ضيافت اخواتك من حرمه :] بس لا تنسون تربطون الاحزمه سواقكم متهور :p |
رد : سائقه الاتبيس الرياضي
ربي يسلمك ذا من طيبك ... العفو يشرفني ويسرني أكون بموضوعك ... بس عاد باخذ السواقه عن غاليتنا حاتميه وبغير مجرى الطريق للدمام بعد إذنك .... وحياكم الله فـ الشرقيه ... |
رد : سائقه الاتبيس الرياضي
وانا اقول كفو يا الفضول مافيكم حيله اهل الكرم بعد حرمه اظن الكل موافق العلم عند الكبتن حنا طلعنامنها بس انتبهو اهل حرمه مهنا زود معرفه بالبحر
|
رد : سائقه الاتبيس الرياضي
ابشرو بالنقل المباشر من استاد الامير سلمان من مدينه حرمه ولاكن ياعم ابو صالح رحنا ندور اعلام للفريق الحتماوي يقولون شطبوها بسدير
والليلة عنابيه ان شاء الله |
رد : سائقه الاتبيس الرياضي
من هذا الموضوع سنعلن عن الهجمات الخطيره والتبديلات والاهداف ومحرزيها والهدافين وترتيب الدوري بعد المباراة
والليلة عنابيه ان شاء الله |
رد : سائقه الاتبيس الرياضي
التعادل السلبي مازال قائما ولاكن الفيصلي مبددددددددددع
|
رد : سائقه الاتبيس الرياضي
نهاية الشوط الأول
الفيصلي (0) الطائي (0) سيطرة فيصلاويه مطلقه على مجريات الشوط الأول |
رد : سائقه الاتبيس الرياضي
هه وين المراسل اكيد راح يزهب القهو ه لاهل حائل ارحبو لابتي
|
رد : سائقه الاتبيس الرياضي
هههههههههههههههه أعوذ بالله ياحاتميه أثرها متهوره بس يا ابو صالح وين المراسل ما علمنا بالنتيجه النهائيه ههههه |
رد : سائقه الاتبيس الرياضي
ارحب عمر وهقنا ها المراسل يمكن نام ويمكن شاش مع النتيجه واحد للعنابي ايه اخذ ثلاث النقاط والترتيب الاول ومازد الامر اشكال ان قائد الاتبيس نزل المماليح وكمل مع سنا للشرقيه
|
رد : سائقه الاتبيس الرياضي
مرحبا ابو صالح كيف الحال في متصفحك ارحب بالاخت العزيزة سنا لشوق اما سائقة الحافلة الا خت حاتميه اعتقد انها بالحجز عند المرور يقولون قطعت الا شارات وكذلك ماعنده رخصة سير وهقتها يابوصالح |
رد : سائقه الاتبيس الرياضي
ارحبو ابوسند انت شفت احد منهم حتى صالح ماشفناه الله يستر عليهم السواق متهور
|
رد : سائقه الاتبيس الرياضي
اخوي ابو صالح انا علمك بانتيجه ترا النتيجه يابو صالح هزيمه >××< على العرب من عام خمسة وخمسين هذا يتيم وعنده اخت(ن) يتيمه >××< وهذا سجين وذاك ماشيف بالعين ستين عام وهم قلبي وضيمه >××< اكبر ويكبر يابو صالح من السنين سؤال عابر للعقول الفهيمه >××< وين النظام العالمي والقوانين تحياتي ابو صالح |
| الساعة الآن 05:43. |
Powered by vBulletin® Copyright ©2000 - 2024,