ردي على القحطاني
السلام عليكم ورحمة الله وبركاته الله يمسيكم بالخير..الجميع حسن بن محمد القحطاني صديق عزيز ودائما أتجاذب معه أبيات الشعر ويكون بيننا مجاراة في بعض القصائد وحبيت أن أورد لكم قصيدة مما دار بيني وبينه يــقــول الــقــحــطــانــي: بيوت شـعـري للمواجـب مصادير...مـثـل المـهـا فـي زينها وامحروسه واستصعبت والشاردة فالها خيـر...ونـقـيـتـهـا مـن يـنـتـقـيـلـه عروسـه وبديـتـهـا للي يســوق الـطــوابير...شيخ(ن) على العليا وفعله يروسه سطر لـه التـاريخ والمجد تسطير...داس الرديــة واعـجـزت لاتـدوســه والضامية تــارد على جـمة البير...وتشرب قـراح الـمـا فـ لذة نفوسـه وأنا ليا ضميت في مـاكـر الطيــر...آرد عـلـى الطـيـب وصافي هجوسه مــانيب مـثـل اللي ملك لـه دنانير...في كـل صـبـح قـام يحسب فـلوسـه والشعر سلعة في سوق الهوامير...وجـلـوبـتـي بـريـة وامـحـمـوســــه فـنـجـالـهـا عـديـتـهـا للـمـنـاعـيـــر...شــرواك ياحــر(ن) يخـايل فروسه هـذا كـلامـي وابـدعـوا يـاشـواعير...وقـصـيـدتي مثـل الدرر وامحبوسه أنا رديت عليه وقلت: لــو الخـفـوق أعـيـاه كـثـر الـتعـابـــيـر...ولـو الحـروف اللـي أبيهــا امحبوسـه لأطلق سراح الحرف لو هو وسط بير...وأفــك قــيــده لأجــل أزيــن عــروسـه عـروستي مـاهي بـشـر يـاالشـواعـيـر...قـصـة تـلـوف بخـاطـري وامـحسوسه سـقـت الـقـوافي مـن خـفـوقي مصادير...لـعـيـون مـن هو قد غمرني بدروسه يــورد بـيـوت الشـعـر مـن دون تـفكير...جزل(ن) سنافي حر محد(ن) يروسه يـمــنـاه دايـم تـبـذل الـخـيـر والـخـيـــر...ويرخـص لأجـل غاليه غـالـي فـلوسه مـن نسل قـوم(ن) يكرمـون المساييـر...دايـم عـلـى الـعـلـيـا دروبـه تـسـوسه ذيـب(ن)..سـنـد ذيـك الليـالي المـدابـير...والمقبلـة..واللـي غــدت به هجوسه مـثـلـه مـثـل قصـة كلـيـب(ن) مع الزير...يـومـه حـلـف خصمه برجـله يدوسه حـق(ن) عـليـنا مدحـكـم ياالـمـنـاعـيــر...حـق(ن) علينـا والمعـاني امحروسه وسلاااااااااااااااااامتكم |
رد : ردي على القحطاني
وعليكم السلام .صح لسان الشاعر حس القحطاني علي البدع العذب وصح لسان شاعرنا علوش الفضلي علي الرد الجزل كبار ياعوال العود قحطان كفو طيب وفا ومعاني صافيه مايد لها الا كل جزل مثلكم ارحبو لابتي
|
رد : ردي على القحطاني
صح اللسان القحطاني وصح اللسانك ياعلوش ابدعت لازدت ولا نقصت بيض الله وجهك ونبخل بالمزيد من قصائدك ياعلوش |
رد : ردي على القحطاني
صح لسان الشاعر حسن القحطاني وصح لسانك يا ابن العم الشاعر علوش كلكم جزلين وعساكم دائما على العز والمعزة وادام الله صداقتكم . وتقبل تحياتي وشكرا ........... |
رد : ردي على القحطاني
وعليكم السلام والرحمه..
صح لسانك شاعرنا ولسان القحطاني.. بدعتوا ماشإ الله عليكم.. في أنتظار أبداعك... |
رد : ردي على القحطاني
اقتباس:
صح بدنك أخوي ابن لام مرورك أسعدني كثير الله لايهينك على طيب ردك |
رد : ردي على القحطاني
اقتباس:
صح بدنك أخوي راعي العليا والإبداع تعلمناه منكم طال عمرك وأبشر بعزك وبالقصيد اللي يرضيك الله لايهينك على طيب المرور |
رد : ردي على القحطاني
اقتباس:
صح بدنك أخوي بو رجا ماعليك زود طال عمرك الله يعز غاليك لاهنت على المرور |
رد : ردي على القحطاني
اقتباس:
صح بدنك عزوة أبوها مشكورة على طيب ردك وأبشري بعزك إن شاء الله |
رد : ردي على القحطاني
:7_f:
اي والله صادوه وينك وينك تصدق لي تقريبا سنه في ها لمنتدى العامر ما خبر قريت لك مشاركه ليش تبخل علينا وانت عندك احسن الشعر واجوده صح السان حسن القحطاني والسان ابن عمي ستاذي علوش الفضلي |
رد : ردي على القحطاني
ياهلا وغلا بأخوي وشاعرنا الكبير محمد الذرفي نعم صدقت أخوي محمد أنا مقل في طرح المواضيع وبالذات القصائد لكن صدقني لأسباب خاصة أحتفظ فيها لنفسي عموما صح بدنك أخوي محمد وحنا نتعلم منك طال عمرك وماعليك زود في اللي ذكرته الله لايهينك على المرور الطيب |
رد : ردي على القحطاني
وعليكم السلام ورحمة الله وبركاته صح الله السان القحطاني وصح الله السانك ياولد العم |
رد : ردي على القحطاني
صح بدنك أخوي ملك أسعدني مرورك وتواجدك |
رد : ردي على القحطاني
صح لسااانك ياعلوش
مبدع وجزل تسلم يمينك ويسلم بوحك تحيتي لك |
رد : ردي على القحطاني
صح لسان شعرائنا الكرام انها قصائد روعه واحده اروع من الاخرى تسلموا ودمتم بخير وود |
الساعة الآن 07:17. |
Powered by vBulletin® Copyright ©2000 - 2024,