قال الشاعر في نجد وبيروت
بين نجد وبيروت يانجد صيفك يقطع القلب حرّه *** شتان مـا بينـك ومـا بيـن بيـروت أقفى ربيعك بالفرح والمسرّه *** وصيفك وصل بالعج والحـر والمـوت جوٍ سموم القيـظ دايـم تكـرّه *** وإليـا ركـد مـا كنـي إلا بتابـوت وإليا لحقني فيك بعض المعرّه *** إسمحلي أرحل عن فيافيـك بسكـوت شهرين ابيها منك فالعام مرّه *** ألبس بها البنطال والبس بهـا الكـوت آخذ على لبنان والشام فرّه *** وآكل مـن الرمـان والخـوخ والتـوت وأشوف ناسٍ فالبلد مستقـرّه *** سـوو لهـم فيهـا مقاييـل وبيـوت وأمر دربٍ قدمي الزين مرّه *** ياكثر مـا شفتـه يجـي فيـه ويفـوت زين وغنج وعيون حلوه وغرّه *** يمشي على كيفه مع الناس مفلـوت تقصر فنيلة فاتني دون سرّه *** و???? يرقص لي علـى دقـة الجـوت كنّه غرير ولاش علمٍ يغرّه *** لا خـاف مـن ربـه ولاهـوب مكبـوت علقني بسحرة وخيرة وشرّه *** سحرٍ ذكـر هـاروت شـرّه لمـاروت وإليا إنتهى الميعاد بترك مقرّه *** واعصي هوى قلبٍ من الزين مبهـوت واحزم شناط العفش والثوب أزرّه *** وارجع بشوقٍ من مدى شوق بخوت ويانجد صيفك لو ذبحني بحرّه *** حييت في حضنك وفي حضنك المـوت |
رد : قال الشاعر في نجد وبيروت
ويانجد صيفك لو ذبحني بحرّه *** حييت في حضنك وفي حضنك المـوت صح لسان الشاعر وصح نقلك وتسلم ويعطيك العافيه |
رد : قال الشاعر في نجد وبيروت
أبن الشرقية
صح السانك ولسان شاعرها ابيات جميلة |
رد : قال الشاعر في نجد وبيروت
أبن الشرقية قصيدة جميلة وبارك الله فيك يالغالي بس أنا أقول يازين السياحة في أجواء المملكة لوهي مره ترجع له وتقول ماهي نفس هذيك المره |
الساعة الآن 11:10. |
Powered by vBulletin® Copyright ©2000 - 2024,