اكبر عيالك علـى أسمي لا تسمينه
 

بسم الله الرحمن الرحيم

السلام عليكم ورحمة الله وبركاته

هذه الشيلة الرائعة من روائع .. / سلمان بن كويخ .. اتمنى ان تنال اعجابكم.


انا ادري انـك من اعـمـاقك تـحبيني
وانا ادري اني غلاك اللي تـمنينه

..


هذا مكانـك مسيطر مثر ( ن ) فيـنـي
في وسط قلب ( ن ) لـك الله ما تـخونينه

..

شوفي غلاتـك على دربي تـخاويني
سلمان لـولا غلاتـك ما دمعة عينه

..

من يـوم رحـتي وطيفـك ما يخليني
فـي كـل يـوم يـجي و يروح من حيـنه

..

في قربـك العام كانت تضحك سنيني
ولـيـل الشـتا كـم يـسـريـك و تسـريـنـه

..

والـيوم حالـت مسـافـه بينـك و بـيني
مـالـي جـدا غـير حـلـمٍ ولا تــزوريــنــه

..

واصبـحت متغرب و ضـايع و مسكيني
وانـتي بـعـد مـن ظــروف الوقت مسكينه

..

يـا روح روحي يـ عـمري يـ نظر عيني
يا زرع قـلبي وجنـتـه و بـسـاتـيـنـه

..

تكفـين عندي طلب وابيـك ترضيني
لا يـنكـسر خـاطــرك لا شفـتي ألزيـنـه

..

وابـي بعد منـك لامنـك ذكـرتيـنـي
مـا تنـزف أجـروح قـلبـك مـن شـرايـينه

..

وأخـر طـلب كل ماقولـه يبكيـني
اكبر عيالك علـى أسمي لا تسمينه

..

يـمكن مـع الـوقت والأيام تنسيني
و يـمكن حليلك من أظروفه تـحبينه

..

مـاني مـعزيـك وانتي لا تـعزيـنـي
و الحـب لا صار مـيت لا تــعــزيــنـه

..

عـقـبـك ترا مالقيت اللي يسليني
و انـتـي بـعـد مـن يـسليك و تسلينه

..

وان مـا قويتي فراقي ربـك يـعيني
و أن ساء وقـتـك فـسـوي مـا تسـوينـه

..

يـا وقت لا نـمت تكفى لا تصـحيني
خلنـي علـى نـومـتـي و الـنوم يـا زيـنــه

..

مـدام صرتي من اعـمـاقك تـحبيني
سلمـان و شلون يـصـبر بـاقـي أسنينه

رد: اكبر عيالك علـى أسمي لا تسمينه
 

يـا وقت لا نـمت تكفى لا تصـحيني
خلنـي علـى نـومـتـي و الـنوم يـا زيـنــه


سلمت يمناك

روعــــــــــــــــــــة وقوية تقطع اعماق القلب

كل الشكر لــــــــــــــــــك


حفظك الرحمن واسعدك...........

رد: اكبر عيالك علـى أسمي لا تسمينه
 

رد: اكبر عيالك علـى أسمي لا تسمينه
 

رائعة ومؤثرة

تسلم على الذوق الراقي

متألق كعادتك أخوي سلامه

رد: اكبر عيالك علـى أسمي لا تسمينه
 

جدا رائعه تسلم يمينك

رد: اكبر عيالك علـى أسمي لا تسمينه