لحظة الفرقا
لحـظـة الفـرقا صعيـبه ياجمـاعـه مـرجـفـه = لحظة(ن) فيها الحبيب يصيح منهو يسعفه
كـل أصنـاف العــذاب وكـل أصنـاف الألم = ذاقـها واصبـح يولول والمصـايـب تـعصفه كـل آمال(ن) بنوها صارت بـحكم السراب = حـلـمـهـم غـالي عليــهم والليــالي تـخـطفه صـارت الأنــوار دايـم عنـدهم شبه الظلام = مـن حقـايـق فاجـأتـهـم آه منـــها مــؤسـفه يـاقـلـم وصّف لقـاهم كيف لحظات الجنون = مـن عـقـب طـول القطاعه والحياة المقرفـه العنـاق اللي بـعـد فـرقـا ونـظرات العيــون = والرعاش الزايد وشوق الوله من يـعرفـه والجـحيم المصطـلي بالصدر ودموع الفرح = والعـرق ليـمن تـصبـب والبـروده تـرجفـه كيف نوصف لحظة(ن)يصعب بها نطق الكلام = أفـصـح العـالم يتـمتـم في كـلامه تخلفه الفـرح مـن زود مـابــه وصّلــه حـد الـسـما = طـايـر (ن) فـوق السحـايب دون أيّـة تكلفه يامـحبـة لـمـلمـيـنـا واضـوي الأكـوان نـور = واجـعليـنا في نعيم(ن) صعب نقدر نوصفه |
رد: لحظة الفرقا
الله لايجيب فراق بين المحبين
صح لسانك شاعرنا عبد اللطيف الفضلي |
رد: لحظة الفرقا
السلام عليكم ورحمة الله وبركاته سلمت وسلمت يداك شاعرنا القدير عبد اللطيف الفضلي الله يجمعنا دائما وابدا على الخير يااااااااارب |
رد: لحظة الفرقا
أخي الغالي علوش
صح بدنك ومشكور على المرور |
رد: لحظة الفرقا
صح بدنك اخي علاء وبيض الله وجهك
لك مني أجمل تحية |
الساعة الآن 01:26. |
Powered by vBulletin® Copyright ©2000 - 2024,