|
إذا نادى الفضول وجوه مثل السيل
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يقول الشاعر اللي ما يحب الكذب والتمثيل=يعرف الطيب ، وغير الطيب ما يطري على باله إذا ما انه وعد يوفي وهو في الرد يوفي الكيل= شرب فنجال حرّابه ، ولا احدٍ شرب فنجاله وإذا ماان الردي أزرى بحمله شال حمل شعيل= وإذا قصرت حبال القوم ضاري طالت حباله أنا ضاري لعنت جدود أهل القال وأهل القيل=وانا طبّ السريح عناد ما انصى الغافل الداله أعرف الحق والباطل مع التحريم والتحليل= واعرف الشام وهضابه واعرف الشام وجباله وإذا ما اني وردت الما وردت البير مثل النيل =وأخلي للردي عقبي هماج البير وحثاله ابو عساف حاز العزّ لوّه فوق ناب الفيل= ابو عساف لو العزّ براس النجم يرقا له ابو عساف لا نادى الفضول وجوه مثل السيل= تداعى من علوّ الضلع يصفق ماه في جاله يقول : الليل لو طوّل ، يجيك الصبح يتلى الليل= وكلٍ غير رب الكون ما يبقى على حاله ودام الريل يمشي ، لازم(ن) ياصل مداه الريل = وما جا في طريقه يا كبير المعرفه شاله ولوّه مال عن دربه ألا يا شين هاك الميل= تشوفه في شمال الخط مثل مقيط وحباله لحقنا جيلنا السابق وحنا في توالي جيل= ألا يا كيف مات التاجر وما ورّث عياله لثام الدلة الصفرا يفوح بريح بنّ وهيل= بمجلس شايبٍ ما جا رماد الخوص بدلاله عساها للنما في كف عود(ن) ما يعرف الكيل= وما يجلب من الطيب على اهل السوق يشرى له وش الحيلة بناس(ن) وسط صفّه تدعي التخييل= تقول الخير قي كبد الشمال وشوفوا خياله غشيمٍ ينفظ الدربيل ومرّة يمسح الدربيل= وضاع الذود ما شافه ولوّه يمشي قباله غدينا بين غشمان (ن) يحسبون الثريا سهي= زمان(ن) غابوا اهل العرف فيه وساد جهاله غشام تقدّم الثيران في الميدان قبل الخيل= غشام(ن) قدمت ثور الحصيده عزّه رياله كذوب وقال أنا الصدّيق واسمي في العرب جبريل= جبان وقال أنا في الكون يوم الكون نزاله خبيث وخايب وخامل خسيس الخال خبل بخيل=شجاع دام هو في الدار بين السور والصالة وأنا ما اشره عليه ولو يجيب الكذب كبر الفيل= وقبله ما لحقه اللوم لا عمه ولا خاله ألومك يا ولد ياللي بدار العز والتبجيل= بدار اهل الكرم والطيب وفالميدان خياله ألومك حيث لك جدٍ سميدع نايف حلحيل= قطام بعالي الظلعان منزاله ومقياله ألومك يوم شفت الذود ذود بليس كله حيل= تقفّى اذناب هاك الذود وراعي الذود تبرا له نصيحة كان لك فيها نظر خذها بلا تاجيل= وإذا مالك نظر خلّ المهر يمشي على فاله أقوله والوعد قدام وكل الخير في التنزيل= تسمّع في كلام الله ودقق فيه واصحى له بمبدا المائدة تلقى المعاني جت عن التكميل= كلام والواحد الجبار ما من دين إلا له وصلاة الله على المذكور في القرآن والإنجيل= على الهادي الأمين ومن تبعه وصحبه وآله[/poem] وسلامتكم |
ابو عساف حاز العزّ لوّه فوق ناب الفيل
=========== ابن شلال لو العزّ براس النجم يرقا له ابو عساف لا نادى الفضول وجوه مثل السيل ======== تداعى من علوّ الضلع يصفق ماه في جاله صح السانك يالغالي ونعم واالله فيك وفي ابناء ال شلال بس ماقلت يابوعساف هل القصيدة كانت موجة لااحد او .. ارق تحية |
صح الله لسانك ابو عساف
لا تعبت سلم يمينك يا الغالي |
صح لسانك يابو عساف
وتستاهل القصيدة الجميلة والمعبرة بمعانيها بس ماقلت منهو الشاعر أعتقد أنه أبن العم عبدالله الفضلي ولك مني الف تحية وشكر ،،،، |
راعي العليا : تسلم يا الغالي
والقصيدة لها سبب وموجهة كما ذكرت ، لكن ليس كل ما يعلم يقال مشكور حبيبي على التعليق ================= طيب الجد : صح بدنك يا الغالي وتعليقك تشكر عليه والنعم بك وبجدك =================== تركي آل طالب : صح بدنك يا بعدي والشاعر عبد الله الفضلي يحري بكل علم طيب لكن القصيدة لواحد من عيال عمك واحد يعرفك يا تركي ويغليك وإذا تبي تعرف منهو ارجع للبيت السابع من القصيدة وتعرفه وتقبل منه ألفين تحية |
مشكور يابوعساف وعساك على القوه
تقبل أرق تحيه أخوك الســـــــــــــــــــــــــــاري |
صح لسانك يا ابو عساف يالغالي أنا أشهد أني بعد أغلية وأعزة ويعلم ربي ان له مكانة بقلبي
أبدعت ثم ابدعت وثم أبدعت أيها المبدع ياصاحب السان الجميل والأسلوب القوي |
ألومك يوم شفت الذود ذود بليس كله حيل
========= تقفّى اذناب هاك الذود وراعي الذود تبرا له ابن العم ابوعساف مساك الله بالخير الحقيقة اني اعجبت كثيرا بهذه القصيدة المذهبة التي تدل على قوة الشاعر وكذلك قوة الموقف الذي بسببه نظمت القصيدة ولفت نظري البيت اعلاه واود منك يابن العم ان تشرح لن هذا البيت 0 ولكم جزيل الشكر والامتنان |
صح الله لسانك ابو عساف
تسلم يمينك يا الغالي |
الساري : الله يقويك يا الغالي وتسلم أخوي
======================= تركي آل طالب : تسلم يا بعدي ، وشهادة أعتز بها . ================================= الغزي : تسلم يا ابن العم ، وأنا كنت متردد اثناء تنزيل القصيدة ، حيث أن فيها أبيات لا يفهم معناه إلا بقصتها ولمن أرسلت له ، وأكثر القصيدة عامة وليست خاصة ترددت هل أكتبها كاملة حتى مع التباس بعض ما فيها أم أحذف ما هو خاص وهذا يؤدي لتقطع أوصال القصيدة ، وجرب أن تحذف الأبيات الخاصة ثم تقرأها مرة ثانية وقد اخترت كتابتها كاملة وبالنسبة لمعنى البيت فهو خـــــــــــــــاص ومتعلق بقصة شخص وتسلم يا الغالي ================================= أبو مانع : صح بدنك يا بعدهم وسعيد بتعليقك |
ألومك حيث لك جدٍ سميدع نايف حلحيل
============ قطام بعالي الظلعان منزاله ومقياله صح اللسانك يا ابو عساف ولا تحرمنا من قصايدك الحلوه وانشر كل شي تواجهه قدامك ولك كل الشكر والتقدير والاعجاب اخوك / بن غزي2005 |
تسلم أخوي ابن غزي
وما أقدر أنشر كل اللي عندي لأن فيها أشياء قديمة وتعرف اللي مكتوب أيام الشباب صعب تنشره ها الوقت بس أبشر بسعدك أخوي الغالي |
رد : إذا نادى الفضول وجوه مثل السيل
روعه روعه
اشكرك الطير المضييء |
| الساعة الآن 01:10. |
Powered by vBulletin® Copyright ©2000 - 2024,