وين أهل الألغاز
أنشدك عن حِر وعبد لهم صيت == طاحوا وسط بير عميق مجمه الحر ضاع ولا لقي حي أو مَيْت == والعبد لقْيَتْ جثته تحت دمه |
الحر السكر والعبد هو الشاي ليبتون والبير هو الماء الحار في الكأس
|
ما شاء الله ، طيب خذ الثاني :
أنشدك عن رجل بالآيات مذكور == عصر التطور هد حيله وعاقه عاش بصحاري وبيعيش ببحور == يكره وجودك وانت تكره فراقه |
ابو عساف
صح اللسانك بعطي الشباب فرصه وبعدها بكتب الحل اذا ماحد عرفه |
نظرك يا بعدهم ، بس المهم ترى إن ما عرف أحد فاللغز محسوب عليك
|
ماني بشاعر لكن حبيت ارد بشيئ يشبه الشعر :)
حل لغزك يالغالي على اللغز مشكور**** حل من لا يكشف مغطى ولا يفضح المستور حب البدو للمقناص بالنفود مشهور********* والحضري حداق يدور على الهامور الصيد بر وبحر في القرآن مذكور وعساه صح بس عاد! وسلامتكم |
حل 100%
فوت الفرصة يا أخوي (غ) على الحر ، توقيعك مدهش ؛ المعنى صح ، والأسلوب غير ساعدنا نحفظ توقيعك . |
اوةةةةةةةةة
حسافة لوني جاي من البداية كان حليت جيع الالغاز بس يالله مرة ثانية مشكور اخوي ابو عساف |
حسافه فاتتني ؟؟؟
|
انا مااقول حسافة مثل الربع اللي فوق
بصراحة مااعرف الحل وخلاص وكفوووووووو والله الاخوان الحـــر و غ. و الفضلي مشكوووووووووورين جميعا |
الإخوة : راعي العليا وعبد الله : خيرها بغيرها ، وشكراً للمرور الجميل
الأصيل : مبدع في الحل وبدونه ، ولا تتركنا مثل ما سويت أمس |
ما عليكم زود يا الغاليين,
وودي لو احد النشامى يعدل الوزن و البيت في الحل (اللي متنكر على اساس انه بيت شعر) بوعساف.. التوقيع بينحفظ ان شاء الله من كثر المشاركات .... لين تملونه :) عاد حزتها , يفديكم التوقيع وراعيه. ماشاء الله بدت تمطر ..في الرياض . عسى الله العزيز القدير يجعله سقى خير. والسلام عليكم |
الأخ غ الفضلي : ربما بعض الإخوة لم يلحظ أني وضعت لغزاً جديداً لكنه لك وحدك ، وقد وضعته متعمداً ، وأثبت أنك قدها وزيادة ،
اللغز كان ((توقيعك مدهش ؛ المعنى صح ، والأسلوب غير ساعدنا نحفظ توقيعك .)) إجابتك كانت 100 % صح وتأكد حبيب قلبي ما يمكن يجينا الملل وأنت معنا وبشرنا عن علوم الحيا |
الساعة الآن 10:08. |
Powered by vBulletin® Copyright ©2000 - 2024,