|
๑۩۞۩๑ الصـــمت حكمه...والحكي مصدر افلاس ๑۩۞۩๑
الســـــــــلام عليكم ورحمة اللـــــــه..وبركــــــــــااته...
قـــــرأتهـا../..اعجبتنـــــي...واتمنى ان تصـــــل لمستوى ذاائقتكــــــم الشعريه الـــــراقيه... قالوا علامك صـامت وقلت ياناس ***كثر الكلام يقل لاجله مقامي الصمت حكمه والحكي مــصدر إفلاس ***ولقيت في صـمـتي يزيد احترامي الصمت له معنى وله ذوق وإحســـاس ***مركب نجاتك في بحـور الظلامي ترى الرجل صوره من الـراس للساس ***ثم يتبين جوهــره بالكلامي إما نطق في كلمة ترفــع الرأس ***تضفي على شكله جــديـد الاسامي وإلا يعود معدنه مـــعــدن نحاس ***يرميه سهمه بـعــد ماكان رامي لا صار عندك من ثمـيـنات الألماس ***خله بـصـدرك لين وقت التمامي أخاف يطلعلك مـن الناس بلاس ***وإلا سـفــيه ما يرد السلامي الله خلق خلقه على عـدة أجناس ***وكلن يسوقه مذهـبه للأمامي والله خلق بالطير قمري وقرناس ***ووقت الهدد ما ينغزي بالحـمـامي لا جال في صدرك من الهم هوجاس ***وعينك يحاربهـا لذيذ المنامي ونفسك عليله والفكر صار محتاس ***اترك طمان القـاع وارق السنامي عليك بالعالي ليا هب نسـناس ***يبري الجروح الخـافيه والعظامي وخلك لربـعـك دايم الدوم نـبراس ***وخص القريب وخص ولد العــمامي خلك لهم في داجي الليل مقـباس ***وللصاحب أصدق من حقوق الغمــامي ربعك ذراك ليا لحق راســك البـاس ***قدم لهم شربك ولو كنت ضـامي وخلك لثوب الطيب والعز لبـاس ***واترك دروبٍ تنتهي بالحرامي وفعل الجميل وواجب الضيف نومـاس ***ومن لا نفع بالضـيق نفعه عدامي بيت الكريم أبوابه بدون حـراس ***وبيت البخيل يـعـد مثل الهدامي كلٍ بها الدنيا نصيبه بـمقياس ***ياخذ نصيبه لوجــفـوه الأنامي وســـــــــــلامتكم... عبدالله العنزي |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
|
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
السلام عليكم ورحمه الله وبركاته
صح بدنك يا الغلا صقر ولا هنت على مرورك المشرق ويسلم راسك يا بعدي اشكرك مره اخرى ولا ننحرم منك ومن مرورك الطيب ودمت بود اخوك عبدالله العنزي . |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
صح لسانك
قصيدة رائعة ولا هنت |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
صح بدنك ولا هنتي على تواصلك الطيب
|
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
صح السانك الصمت حكمه والحكي مــصدر إفلاس ***ولقيت في صـمـتي يزيد احترامي الصمت له معنى وله ذوق وإحســـاس ***مركب نجاتك في بحـور الظلامي والله كلمات قوية تسلم يمينك |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
|
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
السلام عليكم ورحمه الله وبركاته
يعافيكم ربي ولا هنتو على التواصل الطيب واحترامي وتقديري اخوكم عبدالله العنزي |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
صح لسانك اخوي عبدالله العنزي على قصيدة رائعة وياعطيك الف العافية |
رد : ๑۩۞۩๑ الصـــمت حكمه...والحكي مصدر افلاس ๑۩۞۩๑
صح بدنك يا الغلا ابو طلال
ولا هنت على مرورك المشرف واشكرك ... |
| الساعة الآن 06:38. |
Powered by vBulletin® Copyright ©2000 - 2024,
