الشعر ابوي .. ( الحسد )
صبحكمـ/مساكمـ الله بالخير [poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] الشعر أبـوي .. ولا بعـد قلـت : لبيـه=إلا لـــ ( بحّة وزنـه ) و ( صـوت قافـه ) ماقبلـي أحـد ٍ قـد تربّـى علـى يديـه=ولاغيري أحـد ٍ سْمْـع صوتـه وشافـه أغليه .. وأخافه .. وأحبّـه .. وأداريـه=وأخـاف لاأفقـد دهشـتـي فأكتشـافـه على كثر مـا أبيـه وأتعـب وأنـا أبيـه=ماقـد شكيـت لغيمتـه مــن جفـافـه إن ألتفـت فـي حالـي .. الله يحيـيّـه=و إن ما ألتفت .. ما ألحقت عمري حسافه يامـا علـى غفلـه غرقـت فشواطيـه=وياما رمى فـي قـاع صوتـي ضفافـه وأمسيت أغني له .. وأشيله .. وأشاكيـه=كنّـي مكـوّم كــل مـاكـان طـافـه ! أحـاول أقـوى شـي مانيـب قـاويـه=وأحـاول أقبـل شـي نفسـي تعـافـه اسمع من هـروج العتـب والمسافيـه ..=مـازوّد حـمـول التـعـب والمسـافـه نـاس ٍ بلونـي بالحسـد والمشـاريـه=مافيهـم اللـي وسـط قلبـه مخـافـه .. لا .. والمصيبه .. ويش أنا منحسد فيه ؟!=في الشعر , ودروب السهر , والكلافـه !! قولوا لذاك اللي ( سهادي ) علـى ايديـه=وش جـاه منـي ؟! لعنبوهـا ضعـافـه ان كان حاسدني علـى الشعـر والتيـه !=يجـي يبادلنـي .. وأخـط أعتـرافـه : يعطينـي راحـة بالـه الـلـي تقـدّيـه=وأيامـه الـلـي ماتـعـرف الصـلافـه ونذر ٍ علي لأعطيه .. وأعطيه .. وأعطيه=حتـى يمـلّ مـن الشعـر والصحـافـه [/poem] الشاعر/ فهد المسـاعد اختكمـ/ هيبة الصيت |
رد : الشعر ابوي .. ( الحسد )
صح السان الشاعر فهد المسـاعد وعلا شانكـ هيبة الصيت تسلمي على الابيات الجميلهـ ودي واحترامي |
رد : الشعر ابوي .. ( الحسد )
وأخيراً أختنا هيبة الصيت أضافت شي والله كنا بإنتظارك دائماً لنرى أختيارك الجميل يعطيك العافيه على الأختيار الراقي |
رد : الشعر ابوي .. ( الحسد )
صـح لسانج خيتو . |
رد : الشعر ابوي .. ( الحسد )
صح لسان الشاعر/ فهد المسـاعد
وتسلم يمينك خيتوو ^_^ |
رد : الشعر ابوي .. ( الحسد )
صح لسانك ولسان شاعرها ومشكوره على النقل |
رد : الشعر ابوي .. ( الحسد )
اقتباس:
صح بدنك نيابةٍ عن شاعرها والله يعز شانك يسلم راسك ولا هنت |
رد : الشعر ابوي .. ( الحسد )
صح السان الشاعر وتسلم يمينك على النقل وعساك على القوه |
رد : الشعر ابوي .. ( الحسد )
الله ... الله صح الله لسان فهد المساعد و سلمت يمينك يالشيخه على النقل مبدعه ولا هي غريبه عليك لاهنتي ولاهان راس من جابك |
رد : الشعر ابوي .. ( الحسد )
وينك ياهيبه فقدناك ... قصبده متميزه جداً ... ألف شكر يالطيبه ... |
رد: الشعر ابوي .. ( الحسد )
قصيدة رائعة الله يعافيك ...صح الله للسانك وللسان راعيها .
ـــــــــأأأأأأحترررامي ...: |
الساعة الآن 10:03. |
Powered by vBulletin® Copyright ©2000 - 2024,