النظره الشرعيه بين مؤيد ومعارض !
اخوتي حبيت نناقش قضيه مهمه بحياتنا الاجتماعيه وتمس الشباب بشكل كبير ومؤثره على مستقبلهم وحياتهم الزوجيه الا وهي النظره الشرعيه هل انت مؤيد لها ..؟ ام رافض الحمد لله كلنا نعرف موقف اسلامنا منها وهي محلله شرعا بل ومستحبه ايضا وحثنا رسول الله عليه الصلاة والسلام عليها في احاديث كثيره اترك المجال لكم فيها فإذا كان الرجل راغباً في زواج المرأة عازماً عليه .. موقناً بقبوله والركون إليه فلما يرفض بعض اولياء الامور خاطب كريمته من رؤيتها ؟ حبذا اخوتي نناقش القضيه بكل جديه .. وإن كان بيننا من يرفضها لعله يقتنع بنقاشنا الهادف ماذا تعرف عن الرؤيه الشرعيه .. وماهي ظوابطها وهل انت مؤيد او رافض لها وماهي ايجابياتها وسلبياته بنظرك وما موقفنا تجاه ولي الامر الذي يمانع بانتظار ارائكم لكم مني وااافر الشكر والتقدير |
رد : النظره الشرعيه بين مؤيد ورافض !
مافيه شوفه الا ليلة العرس
هذا النظام عندنا :smile: وهو نظام خاطئ بس وش تسوين محد يرضى انه رجال يشوف بنته و عقبها ماتجوز له ويدور غيرها وطبعا لانه مافيه شوفه .. الوصف الحريمي يلعب دور تخبرين العجز ووصفهن للبنت يوصفونها بشي مو فيها ومحد ياكلها الا المعرس :biggrin: محاسنها كثير اولها قتداء بكلام الرسول صلى الله عليم وسلم ( انظر اليها فإنه احرى ان يؤدم بينكما ) يشوفها وتشوفه ويبدون حياتهم على بينه .. وفيه بعض العوايل مايشوفها الا بعد الملكه وبكامل مكياجها وهذا خطأ من البنت ...لو تحسبها صح بتقول اخليه يشوفني على طبيعتي يرتاع الحين ولايرتاع بعدين :biggrin: وياما ناس ماشافوا الا ليلة العرس وانصدموا وكملوا حياتهم نصيحتي لكل مقبل على الزواج .. اذا اهلها ماسمحوا بالشوفه خلاص دور لك وحده من اهلك تخاف الله وتوصف البنت وصف دقيق بدون زياده ولانقصان وبنفس الوقت له تأثير على نفسية البنت اذا ماصلحت له ورفضها هنا تنجرح مشاعرهاوالناس مايخلون احد في حاله مشكوره حاتميه واعطي المجال لبقية الاعضاء |
رد : النظره الشرعيه بين مؤيد ورافض !
[size=5]الحاتميه بيض الله وجهك على طرح مثل هذي المواضيع أولاً : هل في أحد يرضى نسيبه يرا أخته قبل الزواج؟ نعم هناك أدله من سنة ( نبينا " محمد" صلى الله عليه وسلم ) ولاكن هناك عادات وتغاليد السؤال هل النظره الشرعيه وأجبه ؟ أن لم تكن وأجبه لابأس الراي عند اهل البنت أذا حبو الرجال يشوف البنت وإذا أبو أن يمنعو يمنعوه هم أهل الكلمه ثانياً : ليه يخطب البنت وهو مايدري عنها ليه الاهل ماقالوا له عن المواصفات اللي في البنت كأنها سيارة هههههههه على العموم يسلمووو على هذا الموضوع ,[/size] |
رد : النظره الشرعيه بين مؤيد ورافض !
اقتباس:
اقتباس:
يعني لااازم الشوفه عشان يشوف ارتاح لها والا لاء اقتباس:
شكرا السنافيه ع مداخلتك الجميله واللي حسيته انك ما تشجعين النظره اتوقع ذلك ومبروك الاسم الجديد مشاءالله كل يوم نيو لوك الله يخلف علينا خخخخخخخ منوره يالغاليه |
رد : النظره الشرعيه بين مؤيد ورافض !
اقتباس:
وهو مشاءالله مايبي يشوف واثق قالك وغصبه اخوها الااا يشوفها غصب يوم شافها بغى يهون خخخخخ بس زين ستر الله اقتباس:
وصح عنه صلى الله عليه وسلم أن رجلاً – قيل المغيرة – خطب امرأة، فقال له النبي صلى الله عليه وسلم: "انظر إليها فإنه أحرى أن يؤدم بينكما" .. اقتباس:
اقتباس:
فيه شي اسمه اختلاف الاذواق مهما كان .. مثلا الوالده ماقد غصبتك على اكله انت ما تحبها :tongue: او رحت السوق شي عجبك وما عجب صديقك ..يووووه ياكثرها هالمواقف شكلك ضده النظره ميه ميه الله يعيين نسيبك ياحر :confused: ومشكووور على مرورك وتعليقك الحلو .. الله يوفقك *** اخواني الموضوع للنقاش نبي مداخلات لبعضنا مو بس من صاحب الموضوع عشان نطلع بفائده واثراء جميل .. يعني اقنعني واقنعك |
رد : النظره الشرعيه بين مؤيد ورافض !
|
رد : النظره الشرعيه بين مؤيد ورافض !
اقتباس:
انا قاعده اقولك عن نظرة ولي الامر مايرضى يشوفها وماياخذها واتكلم من كل جوانبها السلبيه والايجابيه عن نفسي انا ايه بخليه يشوفني لاني مابي استاثم باحد .. بكره يشوفني ويصير فيه شي لاسمح الله واتوهق :biggrin: هو اولا واخيرا اقتداء بسنة الرسول صلى الله عليه وسلم |
رد : النظره الشرعيه بين مؤيد ورافض !
اقتباس:
يعني بعد ما يكلم ابوها و يوافق عليه يخليه عاد يشوف بنته قبل يدفع المهر زي ما قلنا من شروط النظره ان يكون عازم على الزواج اقتباس:
اقتباس:
اقتباس:
شكرا عبدالمجيد لاطلالتك وتعليقك الجميل |
رد : النظره الشرعيه بين مؤيد ورافض !
اقتباس:
قلت بستفزك عشان اكسبك مره ثانيه تجين .. بس هالابوان وشو له يحجرون على بناتهم اجل الزين تعنس عنده ! اقتباس:
اقتباس:
اقتباس:
سنافيه صدق عاد بعيد عن خفة دمك ..بم انك بنت بسالك سؤال واتمنى كل بنت تجاوب ع السؤال على طاري مشاعر البنت تتعب اذا ما جازت للخاطب .. وشرايكم لو حطيتي نفسك مكانها هل هي تتعب فعلا والا ايش ؟ |
رد : النظره الشرعيه بين مؤيد ورافض !
انتي سألتيني انا بقولك بصراحه
ماراح اخليه يشوفني الا اذا تيقنت انه بيجازف بحياته وجد معزم انه ياخذني مو جاي يتفرج ويشوف يشتري ولا ولا !! وقتها بوافق على النظره ماتفرق عندي احد قال حلوه ولا شينه عادي يعني لو الخاطب قال بوجهي انتي شينه بقوله الله يسلمك :biggrin: بالعربي قلبي فضيييييييييخ .. خصوصا في هالامور اما في امور الحياه الثانيه يمكن اكون حساسه وبزياده بعد بس في هالامور لا بالعكس وش الفايده مايشوفني وعقب العرس يرتاع وتحوشه صدمه هههههههههه وان كان فيها احراج بس تدرين حاتميه حتى لو البنت ماتأثرت .. كلام الناس مايرحم |
رد : النظره الشرعيه بين مؤيد ورافض !
اقول حاتميه اقترح انكم تودونه هالموضوع قسم المره ولاتحذفين ردي
احسه يفشششششل ماخذه راحتي بقوه |
رد : النظره الشرعيه بين مؤيد ورافض !
انا مع الشوفه الشرعيه بلا عادات بلا خرابيط دام هذه سنه مع العلم انا من الناس اللي تحكمهم هذه العاده حاتميه تقبلي مروري وردي البسيط جل التحايا والتقدير |
رد : النظره الشرعيه بين مؤيد ورافض !
اقتباس:
اقتباس:
واذا الخاطب ملقوف ونشر السالفه ! فهي خيره انها ماجازت له وسلمت من شره سنافيه ماني ناقله الموضوع لانه يخص الطرفين وردك من احلى الردود لانه ماخذ راحته وهذا اللي انا ابيه وبخلف عليك بقسم المراه بثاني يحبه قلبك شكل بعض الناس الحين تحقرصهم قلوبهم ودهم يعرفون وشهو بس اوووص لحد يدري ههههههه |
رد : النظره الشرعيه بين مؤيد ورافض !
مع النظرة الشرعية
|
رد : النظره الشرعيه بين مؤيد ورافض !
وهل انت مؤيد او رافض
انا من المؤيدين عشان اهي تشوفه بعد يمكن مايعجبها |
رد : النظره الشرعيه بين مؤيد ورافض !
اقتباس:
احسنتي بارك الله فيك |
رد : النظره الشرعيه بين مؤيد ورافض !
اقتباس:
اقتباس:
طبايع سبحان خالقهم ! اقتباس:
|
رد : النظره الشرعيه بين مؤيد ورافض !
اذا مع النظره يا زلفوي .. الله يوفقك شكرا لك |
رد : النظره الشرعيه بين مؤيد ورافض !
بنسبه لي أنا لو عندي بنت معصي يشوفه فيها قبايل هذاى[09]اشلخ راسه[/09] |
رد : النظره الشرعيه بين مؤيد ورافض !
^
^ كلكم كذا :biggrin: ودكم تشوفون لكن احد يشوف بناتكم لا عادي نفس الحاله طيب اللي قالوا انهم مع لو صار واحد خطب اختك وطلب يشوفها وفيه احتمال لاشافها يغير رايه بتخليه ؟؟؟ اتحححححححداكم :biggrin: |
رد : النظره الشرعيه بين مؤيد ورافض !
اقتباس:
مشكوره ع المرور والراي الجميل .. بس ماقلتي جوابك لسؤالي للبنات ؟ |
رد : النظره الشرعيه بين مؤيد ورافض !
ليييه معصي ياسالم افااا حنا نبي الخير للبنت والشاب اي ازين يشوفها خمس دقايق وانت معها ويروح ويا دار ما دخلك شر والا يتزوجها اسبوع ويردها لك مع التحيه ويقول والله بنتك ماجازت لي ياعمي ..! وتقعد سيرتها على كل لسان وهات يا اشاعات وانت خابر يهديك الله ان شاءالله وتطبق السنه .. وشكرا جزيلا سالم لاطلاتك الحلوه |
رد : النظره الشرعيه بين مؤيد ورافض !
اقتباس:
ايه يللا جاوبو يا شباب على سنافيه خلنا نشوف رايكم السديد :tongue: |
رد : النظره الشرعيه بين مؤيد ورافض !
السنافيّه حاتميه بصراحه لو يجي واحد يخطب منكم تخلونه يشوفكم ؟ |
رد : النظره الشرعيه بين مؤيد ورافض !
ايه اجل ايش هههههه اصلا الساعه المباركه يطلب يشوفني عشان اشوفه ولو اني عارفه انه من صالحه هو لان هو اللي بيطير عيونه بس! اما انا بستحي حتى لو ما استحيت بسوي نفسي مستحيه ولا اطالع واصلا بعد بخاف من ابوي والا اخوي هاللي جمبي لا يقولون ما صدقتي خخخخخخخخ |
رد : النظره الشرعيه بين مؤيد ورافض !
تخيلي يشوفك ويهون وقته وش تسوي ؟ |
رد : النظره الشرعيه بين مؤيد ورافض !
هههههههه والله ازين من ياخذني ويبرطم علي خخخخخخ يخليني ببيت ابوي الين يجي اللي اجوز له ويهنيني واهنيه ونعيش في ثبات ونبات مو طقاق وطفش كل واحد من خلقة الثاني |
رد : النظره الشرعيه بين مؤيد ورافض !
طيب اللي قالوا انهم مع لو صار واحد خطب اختك وطلب يشوفها وفيه احتمال لاشافها يغير رايه بتخليه ؟؟؟ والله محد قاله يخليه يشوف أخته ماصدق على الله يفتك منها هههههههههههههههههه في ناس عادي عندهم إذا حد خطب منهم يخلونه يشوف البنت بس يحلفونه إذا شافها مايتكلم عنها برا ( أنها تخرع _ حوله ..... الخ .. يشوفها وحي تحط القهوه وتمشي إذا عاجبته يقول مو افق وإذا ماعجبته يقول ماعجبته . ,,,,,,,,,,,,,,,,,,,,,,,,,,,,,,,,,,,,,,, طيب وش ذنب المسكينه إذا خطبه وأحد ماعجبها ؟ بتقولون الحب؟ الحب ولاستقرار مايجي الابعد الزواج والصبر جميل والصبر مفتاح الفرج ,,,,,,,,,,,,,,,,,,,,,,,,,,,,,,,,,,,,,,, أما من ناحيتي أنا مراح أخط أي وحدة على قولتهم طقة حصاة بخطب بنت أنا عارف عنها يسلمووو على الموضوع أنا نيحتاج أشوفها لاني عارف ذوقي ومتفأل بالخير وعقبالي أنشاء الله . |
رد : النظره الشرعيه بين مؤيد ورافض !
الاخت حاتميه الله يعطيك العافيه ع هالموضوع,,,,
وانا من البدايه اكول اني مع النظره الشرعيه لما لها وعليها ما بعد الشوفه لكن وفق ما تعارف عليه التاس بمسألة الشوفه. والمساله ما هي بدك حنك وسهر وشاي رايح وقهوه جايه والختام بالعصير,,,ههههههه والمهم انه نعرف سبب اتاحة الفرصه للنظره وهي تشمل الاثنين المراءه والرجل لا مثل ما يعتقده كثير من الناس ان الشوفه من حق الرجل فقط!!!!!! المهم في الامر كله هو ( الارتياح النفسي لكلا الطرفين وان لم يتوفر بعض الشروط التي يحلم بها كل منهما ) فالمسأله بسيطه وما محتاجه اننا نحكمها بعاداتنا وتقاليدنا دام فيها نص شرعي واضح كوضوح القمر ليلة البدر |
رد : النظره الشرعيه بين مؤيد ورافض !
شكرا الحر لمرورك وتعليقك الجميل اقتباس:
بالعكس هو على الاقل اهله بيوصفون البنت له لكن هي من يقولها اوصافه وانت عارف خجل البنت مسكينه اقتباس:
الحب والموده اولها بالنظره .. ويكملها المعاشره بالمعروف اقتباس:
|
رد : النظره الشرعيه بين مؤيد ورافض !
حياك الله احمد اقتباس:
اقتباس:
اقتباس:
اولا يخافون على شعورها ان ماعجبته .. وثانيا ما يبونها تتكلف بالزينه ويبون يكونون صريحين مع الرجال شي حلو لكن وين حق البنت ..؟ و وين قول الرسول عليه الصلاة والسلام احرى ان يؤدم بينكما ولم يقل ان يؤدم لك ! اقتباس:
اقتباس:
اقتباس:
|
رد : النظره الشرعيه بين مؤيد ورافض !
حاتميه خلاص أنا بسويها بروح كل بيت أخطب منهم اقول بنتك ما اعجباتني وش ريك حلو الحركه ؟ |
رد : النظره الشرعيه بين مؤيد ورافض !
لا ما راح تنجح .. لان الناس مهوب اغبياء ويعرفون الصادق من اللي يلعب وهم مو مورينه من الباب للطاقه بيسالون عنه ان كانه كفو والا لاء واذا كانت نية الواحد مهيب زينه تاكد مهوب موفقه ربي .. وبيوقع في شر اعماله ادري انك منت مسويها بس تضرب مثل للمستهترين بس مافيه احد كذا وان وجد فهم قله وحتى لو صار فالاهل ما ارتكبو جريمه .. هذا شي محلل |
رد : النظره الشرعيه بين مؤيد ورافض !
|
رد : النظره الشرعيه بين مؤيد ورافض !
فارس الفضول أنت تقول موافق من ناحيتك بس ترضا يصير كذا لهلك أبصراحه ؟ وهذي عيب عندنا ( والناس حره ) تخليه يشوف ولا ماتخليه ( أنتو مالكم دخل ) هذي بنت بنت ناس مو لعبه أجل ليه البنات يتغطون ليه مايحطون الحجاب وخلاص عشان تشوفون البنات في الشارع والسوق والمجمعات .. الخ ... وفكو عمركم مره وحده وأن من ناحيتي أشكيف أرضا أشوف ولا أرضا لهلي حد يشوفهم ,,,, وان كان على الدين على الفكره هذي الادله مو وأجبه حطوها في البال حمدو ربكم في بعض القبايل حتى ليلة العرس مايشوف زوجته وهي لابسه فستان العرس بالاحرا ليلة الدخله مايشووفها |
رد : النظره الشرعيه بين مؤيد ورافض !
اقتباس:
ويريحون هالشباب اللي اصبحو ضحية تقاليد مالها اي اساس من الصحه شاكره حضورك فارس واستحسانك وتعقيبك الممتاز ..جزاك الله خير الله يستجيب دعاك ويحسن الاجيال القادمه بافكارها ومعتقداتها السليمه الله يوفقك و يعطيك على قد نيتك |
رد : النظره الشرعيه بين مؤيد ورافض !
هههههههههههههههه ياخي الناس حره ولاتزعلون ليه العادات والتغاليد كذا مو تحسون فيه قهر تهي تهي تهي على العموم الحاتميه أشكرك على الموضوع اللي فيه المحاوره ولارا الطيبه دمتي بود ,,,, |
رد : النظره الشرعيه بين مؤيد ورافض !
احترم رايك حر بن حر .. وما اقول الا الله يعين نسيبك الا اذا كان مثلك باقتناعه يستاهل بس انت صراااحه اذا خطبت ما ودك تشوفها ؟؟ صراحه قلنا بغض النظر عن قناعتك ورايك واشكر لاشادتك يالغالي |
رد : النظره الشرعيه بين مؤيد ورافض !
|
رد : النظره الشرعيه بين مؤيد ومعارض !
الحاتميه بارك الله فيك ورحم الله والديك أبصراحه ودي إذا وافقوا أهلها إذا موافقوا مايحتاجب أشوفها الله يوفقك ,,,,,,,,,,,,,, فارس الفضول على قولتك أغتداء بارسول أبسألك هل أنت تقوم غيام الليل ؟ هل تنام بعد صلاة العشاء مبكراً ؟ أبصراحه هذي كان نبينا يفعلها هذا لاجيت تطبق كل شي تطبقه كله الواجب والسنه وو........ الخ إذا كنت تطبق الواجب والسنه إذا كنت تطبق كل شي فأنت رجل خير وإذا كان كلام فاضي بالعقل مو من قلب مثل مقالو " كلام الليل يمحوه النهار " تقبل ردي وتعليقي يالغالي مع صافي أحترامي وودي . |
الساعة الآن 12:43. |
Powered by vBulletin® Copyright ©2000 - 2024,