لاشح في صندوق ماله صعيليك=وعن منهج الطيب حدوه الضعافي
خله وبقعاء في مصيره توريك=لابد ماتذرا عليه السوافي
خطو الردي وان لذتبه مايذريك=هافي وعن سكة هل الجد هافي
عليك بلي لاتضعضعت يشفيك=سمح الحجاج المبتسم للوافي
هذاك بن طالب ربيع المهاليك=سعود لابار الرفيق المصافي
يامن شهر بين المخاليق طاريك=صيتن ترفرفله بياض الصحافي
يانجدة المضهود لاجاك ناصيك=يوم انها ضاقت عليه الفيافي
يقبل عليك اللي حدته التاهاليك=ويقفي ضحوك ومن عناه متشافي
وان جاك مديونن من الوقت ناخيك=مدك جزيل ولا تمد العجافي
ري القلوب الممحلات المداريك=هشهوش يوم ان النشافي نشافي
والخير له دربن سعتبه مواطيك=عليه مثل الذيب تهرف هرافي
دمث الجناب ولابه احدا يحاليك=وفاقة فعولك بالوفا كل وافي
قلته وانا ماقلتها موهمن فيك=قلت الصحيح وواقعن بك يشافي

صح لسانك يابن حزمي

قصيدة وافية وجزلة

الله لايهينك

صح لسانك يابن حزمي

يستأهل الشيخ سعود

بارك الله فيك

:61_f: الى الشخ سعودبن عبد الله ال طالب :61_f:

والله ماني على مدح الرياجيل بخيل
خاصه لا جيت امدح في زحول الرجال

المشكله مدحهم حمل لا شلته ثقيل
من ثقلها ما يقدر عليها كبار الجمال

حتى لو تحاملت على حملها لابد يميل
مال الجمل حيله على حمل الاثقال

اجل وش حيله قلم بالقصايد يخيل
في معانيها صدق من مزون الخيال

قصيدة ماهي غزل فالطرف الكحيل
ولا هي عتاب وشكوة حال دون حال

قصيدة مدح في ذاك الشهم الاصيل
ابو عبدالله اللي يشهد له فوح الدلال

سلام يا ابو عبدالله يازحول الرياجيل
سلام عد ما على الصحاري من رمال

سلام عد ماهل المطر وسال المسيل
سلام عد ما اشرقت الشمس وطل الهلال

سلام ياللي له في قلبي مقر ومقيل
فداك العمر لو ان العمر للفنا والزوال

قالوا عن حاتم ماله في الكرم مثيل
ومن ذيك العصور تضرب به الامثال

وانا اقول ابو عبدالله حاتم هالجيل
قولوا لهتان الكرم عندنا للكرم زلال

فديت كل حرف من اسمه به خصل نبيل
وياحي الحروف اللي لها فالقلب منزال

الصاد (صدقك) فالكلام من دون تأويل
وياحي الرجال اللي تثبت اقوالها بافعال

الالف (اهاتك)عطنياها لو توريني الويل
ماهمني غير شوفه بسمتك ياطيب الفال

اللام (لومك) فالحياه على كل شخص ذليل
عاش في هالدنيا وتطبع بطبع الانذال

الحاء (حبك) للمساكين وعابريين السبيل
وشموخك في هالدنيا كنه شموخ الجبال

شوف حالي مال السعادة بحياتي دليل
وفي غيبتك مال الصبر عندي اي مجال

النهار اسود ما عاد به فرق مع الليل
اسهر عيوني ودمعها على الخد همال

واتجه للقبله واطلب من الله الجليل
يالله يالله ترد من بغيابه علينا طال

تكفى تراني دخيل الله ثم عليك دخيل
مال السهر والصبر عندي اي احتمال

عطنا من باقي عمرك ووقتك القليل
ودي ادفى بك واحس ان للعز ظلال

ليه لا شفتك تقتل فرحتي بالرحيل
ما مداني اقولك وشلونك وكيف الحال

طلبتك تدور لاسلوب حياتك بديل
ما عاد اطيق بهالدنيا سالفه الترحال

وعيني ما عاد لها على السهر حيل
ما تدري انت فالجنوب ولا فالشمال

هذي نظم حروف قصيدي جاتك مقابيل
تشكي عليك من همووم الليالي الطوال