|
ولا همنا المكروه لو قال ما قال ؟؟
مانيب متحسف على فراق الانذال
. . . . اللي لهم مع طاري العيب سيـرة . مخيبين الظن في كل الاحـوال . . . . لا جيتهم تلقى اليسيرة عسيـرة . والله مايحسب مع الناس رجال . . . . منهو بوقت الجد يترك عشيرة . متجرد ٍ بالسوء من كل الافضال . . . . مافيه خير وتركة النقص خيرة . ياخالي الافعال مليان الاقوال . . . . أنت الصغيرة في عيونك كبيرة . لاتكثـّر الاقوال تفضحك الافعال . . . . جنسك ترى والله ما راح ديـرة . تضحك وتبدي الود والا انت دجال . . . . من فعلتك معروف ما بالسريرة . ياتعس حظك يالردي وقت الاهوال . . . . واللي مثل شرواك سيء مصيره . لا تامن الدنيا ترى الوقت ميـال . . . . الارض تشبع عقب ماهي فقيرة . الحال مايثبت على وضع لو طال . . . . الوقت يمشي والليالي قصيرة . المغتني هاذاك سائت به الحال . . . . والمنعسر صارت أُموره يسيره . لا هزنا منصب ولا رزنا مال . . . . بالطيب والاخلاق شفنا الستيرة . ولا همنا المكروه لو قال ما قال . . . . درب المراجل مانجـنب مسيره . يحزنا الطيب من الهم لا شال . . . . ويعاف سيف الجود فينا جفـيره . ما ضامني صدك ولا مات بي فال . . . . عزمي قوي وافضال ربي كثــيرة . نشكي على الله ضيقة الصدر والبال . . . . ونصبر على الصدمات لو هي خطيرة . محد ٍ بميت جوع والخبز بريال . . . . والماء بلاش ورحمة الله كبيـرة فيصل بن سبيل |
رد: ولا همنا المكروه لو قال ما قال ؟؟
صح السان الشاعر وعلا شانك اختيار جميل تقبل مروري ودي واحترامي |
رد: ولا همنا المكروه لو قال ما قال ؟؟
صح لسانك ياعم ولسان شاعرها
عسى ماتشوف ونشوف غير الطيب تسلم الايادي ويعطيك العافية يابعدهم |
رد: ولا همنا المكروه لو قال ما قال ؟؟
لا تامن الدنيا ترى الوقت ميـّـــال
الارض تشبع عقب ماهي فقيرة الحال مايثبت على وضع لو طال الوقت يمشـي والليالي قصيرة ولد العم الدويسي تسلم يمينك على النقل وحسن الإختيار تقبل تحياتي ... |
رد: ولا همنا المكروه لو قال ما قال ؟؟
الله الله
سلمت يمنآآآك يابوصالح وصح لسان شاعرها اابيات قووووية ومعبره ابدعت في سردها لنا ييعطيك العافيه ولاحرمنا تواجدك.... |
رد: ولا همنا المكروه لو قال ما قال ؟؟
صح السان الشاعر
وعلا شانك اختيار جميل تقبل مروري ودي واحترامي ... من طيبكم يابن العم الله يزيدكم طيب وقوه وعز . |
رد: ولا همنا المكروه لو قال ما قال ؟؟
تسلم العزيز ابن عباد وما قصرنا من الطيب الا شوفتكم
يا جعلكم ذخر ومسند لكل علم غانم . |
رد: ولا همنا المكروه لو قال ما قال ؟؟
مرحبا ابن العم كبير بخت زانت علومك
ومبروك الامطار الحمد لله على فضله وزاد السرور تشريفكم ارحبو نعم الدنيا تزيد وتنقص وتبقى النفوس الكبيره كبيره . |
رد: ولا همنا المكروه لو قال ما قال ؟؟
[size="5"]الله الله
سلمت يمنآآآك يابوصالح وصح لسان شاعرها اابيات قووووية ومعبره ابدعت في سردها لنا ييعطيك العافيه ولاحرمنا تواجدك.... ... مرحباً شموخ والروعه في عطاكم المبارك وتواجدكم المشرف |
رد: ولا همنا المكروه لو قال ما قال ؟؟
سلمت يسارك ابو صالح اختيار موفق وقصيده جميله// هههه يمنى بلا يسرى !
|
رد: ولا همنا المكروه لو قال ما قال ؟؟
سلمت يسارك ابو صالح اختيار موفق وقصيده جميله// هههه يمنى بلا يسرى !
ارحبو لابتي م مغيري لا عدمناك شعار المعاني يمينها ويسارها في مخابيكم ما تعوقكم المخارج . وكنك حاضر الكتف الايسر مدوخني . |
رد: ولا همنا المكروه لو قال ما قال ؟؟
مـا تشـوف شـر ابـو صـالح // أسئل اللـه الكريم رب العرش العظيم ان يشافينا مما فينا
وجميع المسلمين والمسلمات/امين / ويطيب كتفك / بس بصراحه دايم تضرب انت بكتفك يمقن يكون سبب الوجع؟ خفف ضرب ياخي ؟ هههههه؟ مداعبه |
رد: ولا همنا المكروه لو قال ما قال ؟؟
اقتباس: المشاركة الأصلية كتبت بواسطة إبن لام الدويسي http://www.alfothool.com/vb/fothol20...s/viewpost.gif . ما ضامني صدك ولا مات بي فال عزمي قوي وافضال ربي كثــيرة نشكي على الله ضيقة الصدر والبال ونصبر على الصدمات لو هي خطيرة
|
رد: ولا همنا المكروه لو قال ما قال ؟؟
هلا ومرحبا م مغيري حياك وانت رايق جوك لا تواخذون شيبانكم كلش زياد عندهم من السكر للسوالف
الله يقبل دعاك . |
رد: ولا همنا المكروه لو قال ما قال ؟؟
والله انك تحييه الغالي ابو مراد
شرفني مداخلتك ارحبو لابتي . |
| الساعة الآن 09:55. |
Powered by vBulletin® Copyright ©2000 - 2024,
