|
ماكنت احسب الحب هذي علومه .!!
, : : . . عزالله إني يوم حبيت / حبيت ماكنت آحسب الحب هذي علومه ضحيت , وأخلصت , وعطيت , وتفانيت , لو إن نفسي من عطاي [ محرومه ] ! الظاهر إني طحت وأنا ما سمّيت ولا أظن لي من بعد ما طحت قومه ما جت لي الدنيا ( على ما تمنيت ) ! حلمت : والأحلام شبه معدومه عجزت : وأنا اللي الى قلت سويت حظي فتر حيله وبردت عزومه ياما قطعت من الدروب وتعنيت وسريت ليل ٍ ما تشعشع نجومه , وكم ليلة ٍ روحي على كف عفريت وأقول ( ما آحد ٍٍ ميّت ٍ قبل يومه ) ! ماتحت رجليني ياكودالدناميت آطا الخطر .. كني معارض حكومه ! وقفت في وجه الظروف وتصديت وقفة شجاع ٍ راس ماله : سلومه وش عاد أخذت من المحبه وخليت حب ٍ مضى وقته .. وبقيت رسومه عليه أجرّ مع الونين / التناهيت لا أخذت لي في جوّه الرحب .. حومه ذكراه حولي .. كل ما أصبحت وأمسيت رحل .. والأصعب من رحيله ؟ قدومه ! للشاعر/ مشعآن البرآق http://img98.imageshack.us/img98/6476/74834467.gif : : , |
رد: ماكنت احسب الحب هذي علومه .!!
اي والله انشهد انه طاح ولا سمى
اشكرك عمتي على هذي القصيدة الله يعين الجميع ويعين اهل الهوى صح لسان وصح لسانك وسلمت يمناك على النقل لك كل الود. |
سلآمه العآيد ارحب ارحب العفو .،. صح بدنك يالاجودي و يسلم راسك حيآك |
رد: ماكنت احسب الحب هذي علومه .!!
قمة الروعه و الابدااااع
صح لسان الشاعر ولآهنتي بنت عمي |
رد: ماكنت احسب الحب هذي علومه .!!
تسلمين يابعدي صح بدنك .. وحيآآك يالنشميه لآعدمت هالتواجد الطيب |
| الساعة الآن 08:03. |
Powered by vBulletin® Copyright ©2000 - 2024,