لضاق صدري قمت افوح المعاميــــل=بالشاذني والهيل نصرف عليهـا

زين الحمسك ياصدوق على الجيــــل=واحذر عليها من الحرق لا يجيهــا

زين مبردهـــــــــــا حلو التشاكيـــــــل=فرق اذا شفت النيــا ما يجيهــــا

وانعم سحاكه لا يجي بـه متافيـــــــــل=يوذيـك بعض الحب في ملتفيهــا

دقــه ابنجر للـهواوي جلاجـــــــــيل=لطـــار منه النوم جا يحتريهــــا

لاتفاصلت بالفوح رغو الباشــــــيـل=وابخص لها حامي الجمر يصطليهـا

ولا تفاصلت بالفوح خوخ تناشـــــيــل=وابخص لها حامي الجمر يفتليهــا

قم اغتسل بالكف ستة فناجيــــــــل=والزعفران مذعر يبي يجيهــــــا

ولد الردي كبه ولا فيه تنفــــــــيـل=يجلس مع الخفرات يرمي عليهــا

ماهمـــه العليــا واعلوم الرجاجـــــيل=قولت نعم ماهوب حرص عليهـــا

صلو على المختار عد مازايل انزــيل=صلو على المختار ياللي عليهــا