قصيدة شالح في رثاء ابنه ذيب
 

السلام عليكم ورحمة الله وبركاته

الفارس الشهير / ذيب بن شالح بن هدلان

عندما قتل رثاه ابوه شالح في هذه القصيدة


ياربعنا ياللي على الفطر الشيب = عزالله انه ضاع منكم وداعه
-

رحتوا على الطّوعات مثل العياسيب = وجيتوا وخلّيتوا لقلبي بضاعه
-

خلّيتوا النادر بدار الاجانيب = وضاقت بي الآفاق عقب إتساعه
-

تكدرن لي صافيات المشاريب = وبالعون شفت الذل عقب الشجاعه
-

يا ذيب انا بوصيك لا تاكل الذيب = كم ليلة عشاك عقب المجاعه
-

كم ليلة عشاك حرش العراقيب = وكم شيخ قوم كزته لك ذراعه
-

كفّه بعدوانه شنيع المضاريب = ويسقى عدوه بالوغى سم ساعه
-

ويضحك ليا صكت عليه المغاليب = ويلكد على جمع العدو باندفاعه
-

وبيته لجيرانه يشيّد على الطيب = وللضّيف يبني في طويل الرفاعه
-

جرحي عطيب ولا بقالي مقاضيب = وافخت حبل الوصل عقب انقطاعه
-

كنّي بعد فقده بحامي اللواهيب = وكنّي غريب الدار مالي جماعه
-

من عقب ذيب الخيل عرج مهاليب = يا هل الرمق ما عاد فيهن طماعه
-

قالو تطيب وقلت وشلون ابا اطيب = وطلبت من عند الكريم الشفاعه

اتمنى إن القصيدة تعجبكم

الاصيل الغالي
قصيدة رائعة
مشكور ويعطيك الف الف عافية

الله يعافيك اخوي راعي العليا
مشكووووووور على مرورك

نقل موفق وقصيده رائعه
الأخ الأصيل نشاطك ملحوظ وأتمنى أن يدوم هذا النشاط

شكرا على مرورك اخوي عبدالله الفضلي
وان شاء الله بمشاركات الاعضاء وجهودهم
سوف يدوم هذا النشاط
لان المثل يقول
إيد وحده ماتصفق
يسلمووووووووو