مجلس قبيلة الفضول التوثيقي الرسمي الأول - وموقع واجهة القبيلة

مجلس قبيلة الفضول التوثيقي الرسمي الأول - وموقع واجهة القبيلة (http://www.alfothool.com/vb/index.php)
-   مجلس وديد بن عروج الفضلي ـ لـ القصائد المسموعه والمرئيه (http://www.alfothool.com/vb/forumdisplay.php?f=39)
-   -   }{لاقلت يمه حنان الاسم يكفيني }{ (http://www.alfothool.com/vb/showthread.php?t=16847)

ناصر السيف 04-09-2008 08:41

}{لاقلت يمه حنان الاسم يكفيني }{
 
لاقلت يمه حنان الاسم يكفيني
وشلون ضمت يدينك يابعد رأسي...

يمه يايمه دخيلك لا تخليني
محتاج قربك وحضنك يابعد ناسي...

محتاج عطفك دخيل الله ضميني
لاتتركيني لدنيا قلبها قاسي....

يالغاليه بشوق جيتك لاترديني
جيتك وخطوات رجلي تسبق أنفاسي..

محتاجلك حيل ومحتاجك تلميني
من قسوة الوقت ومن تعذيبه القاسي...

أبي بعيونك عن احزاني تشيليني
وابي بحضنك أفارق هم وسواسي...

وأبي حنانك وكلماتك تغطيني
من مقدم الرجل لين اخر شعررأسي...

وأبي أحس بشعور ٍ منك يكسيني
عطف ومحبه وحنان ٍ دون مقياسي...

يمه كبرت وكبر هم الزمن فيني
ومن لوعة الوقت قلبي عايش يقاسي...

محتاج حضنك أمانه لاتلوميني
محتاج اعاود طفوله كلها أوناسي...

برّجع الوقت وانسي اللي معنيني
يومي صغير وحنانك ماليءً كاسي...

يمه ذكرت الزمان الماضي بعيني
ماضي الطفوله السعيده وروعة إحساسي...

كم كنت أضمك وكم مره حضنتيني
وكم نام راسي على صدرك وهو ناسي...

وكم كنتي تبكين من فكر يبكيني
وكانت عيونك فداك القلب حراسي...

وكم كانت مناك دايم بس تشوفيني
احلى وأنظف " وليدن " بين جلاســي...

وياما وياما سهرتيلي تواسيني
لأونست ضيقه وزار الهم مجلاسـي...

وكم كان حضنك عن الخلان يغنيني
وكم كان عشقك لفرحي ماله قياسي...

الله ياذاك الزمان شقد يحيـيني
ليته يعود وتعوووود أفراح وأماسي...

ياليتني ماكبرت ولاقسى ليني
وبقيت طفلٍ همومه لعب وأكياااسي...

يالغاليه جيت لك شوقي يقديني
كبير لكن بقربك يصغر إحساااااسي...

يمه يايمه أنا وليدك تحبيني
أدري وربي ولكن بقهره يــأسي...

بحطم الحزن فيني وأقهر سنيني
وبقول للهم "ياقلب العنى" ناسي...

بنسى عذابي بحضنك لاتهديني
من بعد حضنك يزيد الهم هوجاسي...

لاتتركيني وضمي يديك ليديني
لمسة كفوفك تبدد قسوة أتعاسي...

أبي أعاند زماني وظلمه الشيني
وأبي بقربك أرده عني الخاسـي...

ياأعز ناسي وياكل الكون في عيني
ياملهمتـني المحبه وصيت نومــاسي...

يفداك عمري وروحي وكل مغليني
ويفداك كلي وأنا من رأسي لساسي...

ياأغلى غرام ربى داخل شراييني
وياأعذب شعور ٍ سكني وياأجمل إحساسي...

04-09-2008 11:49

رد : }{لاقلت يمه حنان الاسم يكفيني }{
 
قصيده جزله يا ولد العم

05-09-2008 12:35

رد : }{لاقلت يمه حنان الاسم يكفيني }{
 
السلام عليكم ورحمة الله وبركاته
شكرا اخي ناصر على هذه القصيد
المؤثرة. يكفي حنان الام الذي لا يعوض
الله يعيننا على بر هم.

ناصر السيف 05-09-2008 01:01

رد : }{لاقلت يمه حنان الاسم يكفيني }{
 
ولد طي


منور ياولد العم



تسلم على الحضور الطيب

ناصر السيف 05-09-2008 01:03

رد : }{لاقلت يمه حنان الاسم يكفيني }{
 
وعليكم السلام ورحمة الله وبركاته



تسلم اخي ابو وجدان


والله يعينا على بر الوالدين


الله يحفظهم لنا ان شاءلله


تسلم على الحضور الطيب

05-09-2008 05:48

رد : }{لاقلت يمه حنان الاسم يكفيني }{
 
السلام عليكم اخوي ناصر
الله يعطيك العافية ويجعلك بار بوالديك

06-09-2008 01:44

رد : }{لاقلت يمه حنان الاسم يكفيني }{
 
اللهم ارزقنا بر الوالدين



تسلم اخي ناصر السيف



أختيار موفق



دمت بود

ناصر السيف 08-09-2008 06:07

رد : }{لاقلت يمه حنان الاسم يكفيني }{
 
وعليكم السلام ورحمة الله وبركاته

يسلموووووووووووووووو اخوي ولد ابو ظهير



مرورك اسعدني


اهلا وسهلا ومرحبا


نورت ياالغالي



ولاتحرمنا من طلتك الطيبه



ولك مني اجمل تحيه

ناصر السيف 08-09-2008 06:09

رد : }{لاقلت يمه حنان الاسم يكفيني }{
 
يسلموووووووووووووووو اخوي سويت


مرورك اسعدني


اهلا وسهلا ومرحبا


نورت ياالغالي



ولاتحرمنا من طلتك الطيبه



ولك مني اجمل تحيه


الساعة الآن 09:35.

Powered by vBulletin® Copyright ©2000 - 2024,

ارشفه ودعم شركه جامعه الويب


HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
مجلس قبيلة الفضول التوثيقي الرسمي الأول - وموقع واجهة القبيلة