السلام عليكم
::kk::
عنوان موضوعنا يتعلق بالنسيان ومافيه واحد فينا ما ينسى
على سبيل المثال لو كنت ماشي بالسوق وشفت شخص وقمت
تشوفه وتذكر انك عشت معاه فتره طويله ..لكن ناسي اسمه
وتحاول تذكره لكن ما تقدرر..او انك مندمج بحديث مع اى شخص
وفجأه نسيت ...ترد وتقول وش كنت اقول انا ... وتنحرج
طبعا اخواني لازم كلنا نعرف انه هذي صارت شغله طبيعيه تصيب اى شخص
ومختلف الاعمار ..... لكن اللي بنعرفه احنا ليش ننسى وإيش السبب ؟؟؟؟

خلونا نعرف الاسباب ؟؟؟ ((عشان ما نحتار مره ))

(1) سبب نفسي واهو انك كأنسان تمتلك عقل باطن وهذا العقل الباطن يرفض انه يتذكر
شي على سبيل المثال الشخص الي ما ذكرت اسمه وسبب رفضه يعود ان الانسان عقب ما كان
يعرف هذا الشخص وتركه صارت له ذكريات مؤلمه او مواقف حزينه خلت هذا العقل ينسى
فما يقدر يستعيده من ملفات الذاكره ....

(2) سبب اجتماعي وهو انه وقتنا الي نعيش فيه يحتوي على كثير من المؤثرات واقصد فيها
هي الشغل والتعب والدراسه وتلبية طلبات البيت ومشكله بالدوام ومشكله مع الزوج والعكس
ومشاكل الاولاد وطلباتهم ...عصرنا هذا اصبح عصر السرعه والتطورر اللي خلا الانسان ما يقدر
حتى يستوعب شي او يفكرر ..عشان كذا العقل ما يقدر يتحمل الامور هذي بوقت واحد لانه
لو نلاحظ انفسنا انه احنا قاعدين نرهق ذاكرتنا ..هذا الي يخلي ذاكرتنا تهمل بعض الامور
وما تستوعبها وتنساهااا ..

(3) أسباب فسيلوجيه وهي انه الانسان يكون حايشه ارهاق جسدي ونفسي يخلي الانسان
ما يستوعب بالمره .. وينسى كل شي

ولا ننسى يا اخوان ان النسيان مذكور بالقرآن الكريم...
{ وَاذْكُر رَّبَّكَ إِذَا نَسِيتَ وَقُلْ عَسَى أَن يَهْدِيَنِ رَبِّي لِأَقْرَبَ مِنْ هَذَا رَشَداً } الكهف(24)

فقــــــط للعلم
ان علماء النفس جميعهم اكدوا أن حالات النسيان هذه قد ما تصيرغالبا مع ناس نحبهم بإخلاص لذاتهم........
والنسيان يعتبر نوع من انواع فقد الذاكره المؤقت طبعا ...

اتمنى انه عجبكم الموضوع وعرفتوا انتو ليش تنسون