|
قصيدة مدح الرجال اهديها الى اخواني
السلام عليكم ورحمة الله وبركاته حبيت اهدي القصيده الى اخواني والفارس الفضلي وراعي العليا وكل اللي شرواهم هذي القصيده كتعويض لقصيدة تعايرني؟ * * * * * اختار سمحات الدروب النظيفة اللي غسلها رايح المزن برشاش يمشونها قوم النفوس الشريفة اللي ضمايرهم نقية كما الشاش ابيوتهم مثل الحصون المنيفة ما هي لطير البوم غيران واعشاش وحلالهم للضيف دايم مريفه لو رجلهم يسرح ويضوي على ماش والرجل منهم ما يخلي رديفه إن مات مثله مات وان عاش له عاش وان مات منهم رجل عقب خليفه يطعن نحور القوم ويرد الادباش يعرف هدف روحه ويعرف وليفه ما يعرف الخونة ولا هو بغشاش وليا رزقه الله بعذراء عفيفة ايحطها ما بين نونه والارماش ماهو على الخفرات يستل سيفه وان طالعوا فيه الرياجيل ينحاش حلو النبا سمح المحيا لضيفه ويصير له خادم مسخر وفراش وان مد ما مدت يمينه قصيفة مدت يمينه تبهر الخبل واللاش واليا هرج تلقى علومه طريفة ما هو لهفوات المناعير منقاش وان شبت النيران ما هو بليفة في ساعة الكربة سواي ورشاش سده بعيد ولا أحد يعرف غريفه ولا هو لعرض المكرم العرض نهاش والشوك في جنبه سوات القطيفة إن كان ما له بيت مامون وافراش ما يرتكي فوق الخبول الضعيفة اللي ليا حركتها قدرها طاش وان جا نهار كل قرم يعيفه ما هو ليا ثارت على القوم رماش الكذب يعرف بين الأجواد زيفه والصدق مثل السيف صاطي وحشاش وصحيفتة يا طيبها من صحيفة ولها من العقال كاتب ونقاش حاز المراجل والمراجل كليفة الا على اللي كل ما رامها هاش وان شاف له من جانب القوم خيفة تلقاه للخيفة مهاجم وبطاش الصدق والمعروف والطيب كيفه ويغبش لها مع طلعة الفجر مغباش للحمل ما تلقى جنوبه صخيفة حوله بروق تعمي العين وافلاش يصبر على جرحه ويمسح نزيفه طبه بشبه خير من طب الاحباش وان شاف له في غيبة الناس شيفة ما هو بخبل لاخضر العود قراش دنياه لن صارت ذلول عسيفة طوع عليها كل عاصي ونفاش وان كان قفت ما عليها حسيفة ولا هو ورا هوج المعاصير قشاش وان جاع ما وقع كما طير جيفة وان عري ما يلبس سماليل وأخياش وسلامتـكــــــــم |
رد: قصيدة مدح الرجال اهديها الى اخواني
عليكم السلام ورحمة الله وبركاته يعرف هدف روحه ويعرف وليفه ما يعرف الخونة ولا هو بغشاش وليا رزقه الله بعذراء عفيفة ايحطها ما بين نونه والارماش بارك الله فيك يالنشميه على هذه القصيدة الرائعه فقد عجبتني صح لسانك وسلمت يمناك واشكرك على الاختيار الجميل ونحن نطمع بالمزيد وفقك الله لك اطيب الود. |
رد: قصيدة مدح الرجال اهديها الى اخواني
صح لسانك يانشميه |
رد: قصيدة مدح الرجال اهديها الى اخواني
احلى سلام وتحية الى بنت العم النشمية
مشكوره على القصيدة الرائعة والاهداء صدق نشمية اسم على مسمى ولاهنت ولاعدمنا مشاركاتك القيمة وبالنسبة للتعليق الماضي قصدت قصايدك بصفة عامة وماقصدت قصيدة تعايرني فقط بس هذي القصيدة كفت وفت وبينت حياديتك ورقي طرحك وصح لسانك تذكير(وراء كل رجل عضيم امراء) |
رد: قصيدة مدح الرجال اهديها الى اخواني
مشكورين ياعيال العم على المرور نورتوا الصفحه لا عدمناكم |
رد: قصيدة مدح الرجال اهديها الى اخواني
السلام عليكم الله يعطيك العافية يالنشميه والله انك سنافيه صح السانك القصيده رااااااااااائعه وجميلة سلام الى جميع اعضاء المنتدء:61_f::61_f::61_f::61_f::61_f: |
رد: قصيدة مدح الرجال اهديها الى اخواني
وعليكم السلام الله يعافيك ياراعي التوثه شرفني مرورك يالحر |
رد: قصيدة مدح الرجال اهديها الى اخواني
النشميه
صح السانك وتسلم يمينك ومشكورة على الاهداء تحياتي |
رد: قصيدة مدح الرجال اهديها الى اخواني
راعي العليا صح بدنك ومن قال يسلم شرفني مرورك لا عدمناك |
رد: قصيدة مدح الرجال اهديها الى اخواني
سلمت يمناكِ
يعطيكى العافية في انتظار جديدك دائما تحياتي وتقديري |
رد: قصيدة مدح الرجال اهديها الى اخواني
قصيدة وضحت المعنى وبقوة
صح لسآنك على هالرائعة أبدعتْ |
رد: قصيدة مدح الرجال اهديها الى اخواني
همسة امل
منير بن غزي شرفني مروركم العطر لاعدمناكم |
رد: قصيدة مدح الرجال اهديها الى اخواني
تسلمي يا النشميه على الرد الجميل شكرا لمرورك الطيب
|
رد: قصيدة مدح الرجال اهديها الى اخواني
قصيده رائعه
الله يعطيك العافيه |
رد: قصيدة مدح الرجال اهديها الى اخواني
راعي التوثه ومن قال يسلم ياعزوتي ولد عز نظرته تهز مرورك شرفني |
| الساعة الآن 05:47. |
Powered by vBulletin® Copyright ©2000 - 2024,