ابشر ياولد العم باللي يرضيك

بحثت علشانك خاصه والجميع عامه واتمنى ان اكون وفقت في

معرفة بعض الاماكن اللي فيها فقع


حفرالباطن كله اماكن فقع الاماكن الي يتواجد فيها الفقع بحفرالباطن هي



1- الصداوي المنطقه تبعد عن حفرالباطن 90 كيلو ويتواجد بها الفقع بكثره

2- ام قليب : تبعد عن حفرالباطن 15 كيلو زفلت و10 كيلو صحراء يتواجد بها الفقع ايضا بكثره على حسب المطر

3- الفاو : تبعد عن منطقة حفرالباطن حوالي 10 الى 15 كيلو زفلت وحوالي 7 كيلو قار ايضا يتواجد به الفقع بكثره

4- الوجعان تبعد عن منطقة حفرالباطن 100 كيلو ويكثر ايضا فيها الفقع.

بالنسبة للطرق لكل من هذه المناطق ( الصداوي ) على طريق الدمام ( الوجعان _ الفاو ) على طريق الشمال طريق عرعر وطريف ورفحاء ( ام قليب ) على طريق الرياض من يريد معرفة الفقع على قولة القايل دور الفقع حول الارقه الارقه هو نوع من النباتات الصغيره واذا مالقيت الارقه بالمنطقه الي تبي تدور فيها الفقع انصحك لاتتعب روحك وتدور الفقع وفيه مثل يقولون فلان مع فلان مثل الفقعه والارقه يعني مايتفارقون عن بعض

http://www.hatan.net/sa7ab/camah5.jpg

وهذي نبتة الارقه ( الرقروق)

http://www.mekshat.com/pix/gallary/d...ages/fagaa.jpg


الفقع ثلاث انواع خلاسي وزبيدي وتسما ( كمأ ) افضلهن طعم التسما وافضلهن شكل ونظره الزبيدي الفقع من اشهر المناطق اللي يكثر فيها هو حفرالباطن

http://www.hatan.net/sa7ab/camah4.jpg

زبيدي

http://hafralbatin.jeeran.com/16.jpg

http://hafralbatin.jeeran.com/16.jpg

الكمأة

http://www.kashtah.com/4images/data/...ils/8/41.1.jpg

خلاسي

اتمنى ان الصوره اتضحت لك ياولد العم واعذرني على القصور

هذا اللي قدرت عليه

مع شكري الجزبل لك ولمرورك الجميل

اخوك

الصقررر

اخوي بوكاسر ..


الله يعطيكـــ العافية علي الصور الجميلة والله يكثر خيركـــ ويزيدكــ من فضلة ..


صور كافية ووافية الله لايهينكـــ يالغالي .. ومنور القسم بموضوعكــ الجميل ..


لا خلا ولا عدم ..


ولسعادتكـــ تحياتي ..