|
استفسار عن اسطبلات الخيل قرب الخبر
السلام عليكم ورحمة الله وبركاته
أود السؤال عن اسطبلات الخيل القريبه من الخبر والظهران ماهي أشهر اسطبلات الخيل هنا سمعت ان في مزرعه كبيره جدا في العزيزيه على ما أظن لأحد العوائل وفيها اسطبلات لتربية الخيول العربية الأصيلة لكن ماعرفت اسمها ولا مكانها تحديدا أرجو الإفاده ممن لديه علم... شااااكرة لكم |
رد : استفسار عن اسطبلات الخيل قرب الخبر
جود الفضلي باين عليك مره مره تحبين الخيول أسئلي اللي في العزيزيه يمكن يعرفون محلها وسوري عيوني ماعندي أي معلومة عنها |
رد : استفسار عن اسطبلات الخيل قرب الخبر
مشكوره عزيزتي :)
ان شا الله بسأل بس كان عندي أمل أحد يكون عارف بدل ما أقطع مشوار وما ألقى اللي أبيه شكككككرا ياعسل |
رد : استفسار عن اسطبلات الخيل قرب الخبر
وعـــليكم الـــسلام ورحـــمة الله وبــركاتة جود أنشاء الله الأخـوان يفيدونك بالمعلومه |
رد : استفسار عن اسطبلات الخيل قرب الخبر
ان شاء الله
:) |
رد : استفسار عن اسطبلات الخيل قرب الخبر
السلام عليكم ورحمة الله وبركاته
هلا فيك اختي جود واسف اخي ربي يحفظك توني اشوف الموضوع وبصراحه ما سمعت ان فيه اسطبلات خيل في العزيزيه الي انا اعرفهم اسطيلات في الاحساء والجبيل لكن عطيني كم يوم امسح لك المنطقه واسال اصحاب الخيل من اصدقائي وحنا ما عندي الا وحده حالياً تبينها ما تغلا عليك اوووه صح اذكر في اسطبل كان مذكور لي فيه فرس حلوووه وجيده من فتره طويله في الخبر لكن ما اذكر وين باضبط ولمن اعتقد دوسري مثل ما قلت لك عطيني يومين وان شاء الله اجيب لك الخبر ويا اليت توضحين ويش الي تبين تعرفينه عدد الخيول او مواقعها ولا انواعها حتى تكون المعلومه الي بجيها صحيحه و واضحه محدده حماك الله ورعاك |
رد : استفسار عن اسطبلات الخيل قرب الخبر
وعليكم السلام ورحمة الله وبركاته
ماقصرت اخوي يعطيك العافيه، ماودي أغلبك والخيل موجود، وتوه صغير لكن أنت عارف انه مايسمح بتربيته في بيت طبعا وفي اسطبلات تعتني بالخيل وتأجر المكان بس ودي بشي قريب للخبر او الدمام يعني انا أعرف ان الحسا فيها كثير بس ودي بشي قريب مشكور.... |
رد : استفسار عن اسطبلات الخيل قرب الخبر
جود الفضلي وعليكم السلام ورحمة الله وبركاته الخبر نهائيا ً مافيه والله اعلم بس هذا مشروع ناجح وجزاك الله خير على الفكرة احذفو الموضوع لاحد يشوف والعزيزية لاتوجد بها استطبلات غير اللي يجون وياخذون اجر لركوب الخيل بامكان احد من اخوتك ان يسئل هؤلاء الصعايدة وسوف يجد الرد الشافي شكرا ُ |
رد : استفسار عن اسطبلات الخيل قرب الخبر
:)
خلاص بس ترى الحقوق الفكريه محفوظه لي ولي كومشن 5% من ربح المشروع :) جزالك الله خير |
رد : استفسار عن اسطبلات الخيل قرب الخبر
اقتباس:
اقتباس:
وتستاهلين ( 0 ) قدام الخمسه اقتباس:
|
رد : استفسار عن اسطبلات الخيل قرب الخبر
مرور لاتعيق
انا من الكويت |
رد : استفسار عن اسطبلات الخيل قرب الخبر
راعي العليا..
:) زين على باللي الـ (0) بدل الـ (5) كانها قبلها ماعندي مانع ههههههه لا عليك بالعافيه، الفكره وأبوها بعد :) |
رد : استفسار عن اسطبلات الخيل قرب الخبر
أنور..
حياك الله :) |
رد : استفسار عن اسطبلات الخيل قرب الخبر
افا شلون مافيه لا فيها ونص فيه طال عمرك على طريق الدمام الجبيل في المزراع الي هناك وان شاءالله اجيب لك العنوان عن قريب |
رد : استفسار عن اسطبلات الخيل قرب الخبر
السلام عليكم ورحمة الله وبركاته
مساء الورد اختي اعتذر لك على التاخير اولاً ثانياً مثل ما توقعت مشاء الله علي ذاكرتي حديد هههههه قولوا مشاء الله الاسطبل في العزيزيه لدوسري لكن مع الاسف شالوه و اغلاب الي هناك استأجرو استراحات لكنها غاليه المهم اختي في احواش على طريق ابو حدريه بعد التحويله وقبل كوبري صفوى المطار وانتي رايحه للخفجي يعني ما تبعد كثير من الدمام تقريباً 10 كيلو لو جيتيها عن طريق الدمام الجبيل المهم اختي انا رحت وشفتها ما عجبني الا اسطبل واحد هو الافضل والانظف من ناحيت الرعايه اتمنى ان يكون توصيفي واضح وان حبيت خلي احد الاخوان يتصل فيني عن طريق الاداره وانا معروف عندهم او ان سمحت الاداره عطيتك عن طريق الخاص اسم صاحب السطبل وعنوانه اعتذر على تأخري وربي يحميك من كل شر ويخليك لكل عين ترجيك سؤال عندكم معرفه عن اسعار اجار البايكات و الحضيره ؟ |
| الساعة الآن 06:01. |
Powered by vBulletin® Copyright ©2000 - 2024,