مجلس قبيلة الفضول التوثيقي الرسمي الأول - وموقع واجهة القبيلة

بسم الله الرحمن الرحيم

هذه مقتطفات شعريه للشاعر : مهنا بن سعيدان القويماني

**********************
الذيب مــــــده مايجيب الحصــــــــاني
ومـــــد الخلاوي مايجيب البساســــــه

ومايــــــوالف الكدشـــان ابن الحصاني
وراعي الشـرف مايجيب الخســاســــه

**********************

نار الغضــــا شبت في حشــا القلب نيران
وغدالهـــا بالجوف حــر وسعيـــــــره

وهيـــج النار ياسامعــي يحرق الوجــــــدان
وفي لهيبه صابتني حروق خطيــره

انا كمــا طير ذبحه الضــــــما هلكـــــــــان
ونومي كما نوم السمــك في البحيـره

***********************

ويش اللذي يحجب العين لو انها شافــــت
يوم بعض البشر ادعا وقال كذابــــــه
ويش اللذي يرغم النفس لو انها عافـــــــت
من بعد ما بان جرح القـلب وصوابـــــه
جريت من الونه ونات يوم نفسي انا ضاقت
ونة عليل ينهــش بجسمه الذيب بنيابــه
ياعذلين القلب ماخفت همومه مير انها زادت
ويالله ترحم اللي فوق همه الروح منصابه

**************************

دار الفكر فيني ودارت معي كل الاحزان
دايم معي الهوجاس وانا مع احزانــــي
فكرت في لون الحزن ولقيت له اللـــــوان
لون حزني اسود من بد الالــــوانـــــي
قلت التجي للصبـر واقول يارحمـــــــــــن
تجلي مننا هموم ترى القلب تعبانــــي
اشوف الليالي كل ما زادت تزود الاحــزان
واشوف سود الليالي بلا عد وحسباني
يبكي الشجر من ونتي لاجيت بستــــــان
حتى الطيـورلطايره صفت على الحاني
وشلون اصدق جاحد الخير انســــــــــــان
واللي نصيته على الخير بالشر ينصاني
انا ماني على دنيا الفنا ندمـــــــــــــــان
هذا نصيبي من الدنيا مكتوب حرمـــاني

********************************

يضيعون الحق من يدعون الحقوقي
والحق مايبنا على غير راعيـه
ياراعي التزيف وش منا تبوقــــــي
الطيب ساسه مننا وانت تشريه
احلم ترى الدينار زوال وطروقــــي
والفقر ماهو بعيب ياللي تعاديه
الفقر درس ومنه النايم يفوقــــــــي
والغنى بالنفس ماشي يساويه
ودروب المراجل ماتهيا بالحموقـــي
يرمي بالمهونه والمهونات ترميه
ينفخ بريمه وما بحاله رفوقـــــــــي
لكن بعيونه سرية جيش ماشيه
بن الشيخ شيخ يخيط الشقوقــــــي
ويرقع خمايلها والعيب يذريه

************************************

ما نطلب من الشابور عدلات الامتار
يـــــيوم راعي البــاع مـاضيع قياســــه
يأهل الفخــر كل يسند بالاشعــار
وثـــــــوب الهــــربده خله للبـــــاســـــه
ان كانك دليه الهرج انا للفعل صقار
تعـــــرف افعــــال الحر لاهــــب نسناســـــه
غرقـــان ياللي ماعرف لعب الابحـار
ما كل من دار السوالف له علوم غطاسـه

**************************************

هل دمعي يوم شدو للرحيــــل
وانحدر دمعي على الخديـن سالـــــي
فارقونا وملتقاهم مستحيـــل
و على فراقهـــم ياسم حــــــالـــــــي
شانهم بالقلب للروح العديــل
من غلاهم ساهرن طول الليالــــــــــي
انشد هبوب الريح ونجمة سهيل
على بدو غدو يم الشمالـــــــــــــــــي
جعل من فرق شملهم ماله دليل
ليــــت ربي بلاه بمثـــــل حالـــــــــي

**************************

الرجل عيت يمكم مشيــــــــــات
عيت عن البيبان تخطي منازلهــــا
عيت الرجلين ماتبي ذلـــــــــات
عيت ماتبي ينذل صاحبهــــــــــــا
لاني عليكم من كثر الجيــــــات
نفسي عن الذلات اجنبهـــــــــــــا
القلب ينــــــزف من الصدمــــات
كم صدمت بالقلب حطت مخالبهـــا
امشي عزيز النفس والهامــــات
انا ماذليت نفسي لغير خالقهـــــا
صبري قوي اقوى من الشـدات
دنياي بالطيـب البي مطالبهــــــا
ماضنتي يوم على الضيم بيــات
من ضامني لابد ترميبه دوالبهـــا
هيهــات ياللي تدور بي الـزلات
النفس قبل الخطا حنا نحاسبهــا

***********************************

المشيخـــه ماهي كبــاره ورفعت خشــوم

المشيخــه عند اللذي بالطيب كاسبهـــا

الشيخ شيــــخ مــا قلطـــوه الســــــــــوم

ياجاهل التقدير تعلم اليوم واجبهــــــا

كم واحـــد يثني على العــادات وسلــــوم

وبوقت المجالــس تطــول شواربهــــا

ياجاهل بالسباحه ماتعــرف العـــــــــــوم

العقاب يفرس مع الضبعه وياكل بجانبها

ماعليكم ملامه بعقولكــم نـــــــــــــــــــوم

حلات الرجاجيل تفرس في مخالبهــــــــا

وسلامتــــــكم

الشاعر : مهنا بن سعيدان بن ضبيب القويمــــاني ( ابو مشعان )