أنا شايب
 

أثناء مناقشتي مع زميلي عن البرامج التدريبية قلت أريد التسجيل في برنامج الذكاء العاطفي فإذا بأحد المستفيدين يقول حتى الشيبان يبون العاطفي فبقيت كلمته ترن في أذني وعبرت عن الحدث بهذه القصيدة

أنا شايب وقولك صادق(ن) فيــني = ولــكــن تــقصد التــقليـل من شاني


أنا شـايـب ولـكـن فـاهـم(ن) ديـني = وارحّــب واتـحـفا بـكل مـن جــاني


عرفـت النـاس فيها طيلــة سنـيـني = عرفـت النــاس بين اشـكال والواني


أنا شاعر وشعري عايش(ن) فيني = واشيــل الشعــر طربـانٍ بالالحـاني


صحيب العاطفه والحس تعطيـني = تـداعـبـني وتـشعـل جـذوة اشجـاني


واذا ودّك عـلى القـوّه تــبــاريــني = تـلاقي ذيـب(ن) امعط يفتك الجاني


تـمـرّسْـت الريـاضة بالـمـيــاديـني = قـســاوة بالبــدن والحــب طـوفـاني


أنـا مــابي زعـل والشيب طاويني = رضــا ربـي مــرادي والعمر فـاني


شعر / عبداللطيف سعد العلي الفضلي

حررت في يوم الثلاثاء 26/5/1436هـ

رد: أنا شايب
 

صح لسانك وجاد بنانك