ينجرح قلب.. لكن ترتفع هامه
والله اني لاموت ولاانحني راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاسي
واسمع الحلم يصرخ لحظه اعدامه
رابط الجاش ... ماهز الخبر باسي
عزتي غاليه ..والناس سوامه
قلت ماابيع حتى تقطع انفاسي
زانت ايام عمري .. شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح القلبٍ ..ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي

صح لسان شاعرها
وتسلم يمينك ياصالح

بس ياليت يالغالي اذا كانت القصيده منقوله تكتب منقول واذا تعرف شاعرها تقول اسم الشاعر
حفظاً لحقوق اصحابها
وخروجاً من الحرج

تحياتي لك وللجميع

ابومحمد


تسلم ع طرحه هذا القصيدة

فعلن كلامات رائعة