|
البارحه يوم الصدر امتلا هم .. ويوم العقل فكر بحلو ( ن ) طراله
بسم الله الرحمن الرحيم السلام عليكم ورحمة الله وبركاته هذه قصيدة للشاعر : سلمان مرزوق الصعفاك , اتمنى ان تنال اعجابكم الـبـارحه يــوم الـصـدر امـتـلا هم ويوم العقل فكر بحلو (ن) طراله .. فـكـر ومـن كـثـرة الـتـفـاكـيـر جيم ثمن رسل لليد تكتب مقاله .. لـبـت يـديـنـي ثـم قـالـتـلـه اسـلـم مالوم عقلي باللي صار وجراله .. لـعـاد حـلـو (ن) وان لـقـيته تـبـسـم حلو الحلايا حلو حلو (ن) جماله .. حبه سرى في وسط جسمي مع الدم يا ويل قلبي كان عيا بداله .. يـامـر ويـنـهـانـي وبـقـولـه تــم وش فيدي يوم قلبي صفاله .. قلبي على رضاته غدا حيل مهتم ماهو معي والظاهر انه غداله .. يـهـب يـا عـيـنـه لـيـا مـن سلهم وفرقاه يا شوفي ليا من طاله .. ويـا لـعـنـبو شـفـته لامـن تكلم لحول يا حلقي ليامن حكاله .. بالله يـا عـالـم ويـا خـال ياعـم روفوا علي حالي غدت ماهي بحاله .. ردت يدي على العقل قبل يختم ردت بـ ببتين فصيغت رساله .. وجعاه يا عقل (ن) من الحب سمم وقلعتك يا عقل (ن) تدنى زواله .. عساك من ذا اللي حصل تفهم العلم ان اللي ولعك صعب (ن) مطاله |
رد: البارحه يوم الصدر امتلا هم .. يوم العقل فكر بحلو ( ن ) طراله
وهذي صوتية للي يحب يسمعها , واقول لبوصالح انت وش قولك ؟ هههههههه. ‫قصيده البارحه يوم الصدر امتلا هم‬‎ - YouTube |
رد: البارحه يوم الصدر امتلا هم .. يوم العقل فكر بحلو ( ن ) طراله
الله الله
صح لسانه وسلمت يمنآآآك ولاهنت كلمات قووية وتلامس القلب ابيات ابدع في تسطيرها برووعة وابدعت في رووعة اختيارك المميز الدائما تحياتي،،، |
رد: البارحه يوم الصدر امتلا هم .. ويوم العقل فكر بحلو ( ن ) طراله
^^^ اهلاً شموخ صح بدنك وسلمتي من كل شر , والاروع حضورك وطلتك نعم وهي تلامس القلب والمشاعر الصادقه ولتذكير بين الحبيب وحبيبه والشاعر يقدر ان يوصل لمشاعر الاخرين بسبب الابيات لكن لا احد يصل لمشاعره شرفتي وانورتي. |
رد: البارحه يوم الصدر امتلا هم .. ويوم العقل فكر بحلو ( ن ) طراله
صح لسان القائل وتسلم يمين الناقل
|
رد: البارحه يوم الصدر امتلا هم .. ويوم العقل فكر بحلو ( ن ) طراله
عساك من ذا اللي حصل تفهم العلم
ان اللي ولعك صعب (ن) مطاله .... تسلم سلامه ابيات وصوت. عذب اقول :صحيح ان الحب جنون مادم عارف انه صعب منا له لويش يطول موله ويفزع الخلق واخواله . |
رد: البارحه يوم الصدر امتلا هم .. ويوم العقل فكر بحلو ( ن ) طراله
كبير بخت طويل بشت اقتباس:
صح بدنك وسلمت من الشر , وكل الشكر لك اخي على هذا التواجد , دمت كما تحب. |
رد: البارحه يوم الصدر امتلا هم .. ويوم العقل فكر بحلو ( ن ) طراله
اقتباس:
اهلاً عمو الله يسلمك ويخليك يارب بخصوص قولك ليه يدخل في طريق صعب موله ويفزع خلق الله لكن هناك شاعر يرسم او يحكي عن مثل هؤلاء الاشخاص للي منالهم صعب حيث قال عند الملامه احم احم الحب لاجا مايجى بالغصايب حتى ولو تفرضه عادات وسلوم وهذا القول بعد ماسألوه وش لك بالصعب المنال فقال لهم هذا القول لكن هنا الخلق مزال مصمم على معاتبته والفتى مزال مصمم في قوله يعني مو شايف حد ههه حيث قال ياما على شانه شعبت الركايب ماهمنى منقود ربعى ولا اللوم ويختمها الشاعر بـ بيتين وحيث انه يبين لنا انه مزال مصصم ومثل الجبل الشامخ ومتفائل ويبين لنا لو انه مات ليس باول واحد ولا اخر واحد يأتيه الموت فـ ان مت من حبى بسود الذوايب فالموت حق وكل نفسن لها يوم ومن تفائله وتصميمه قال في آخر بيت بأنه راضي بالمقسموم لو حصل على مراده او لم يحصل عليه حيث قال لاشك انا بجيه مانى بهايب ماقدر الله للفتى جاه مقسوم |
رد: البارحه يوم الصدر امتلا هم .. ويوم العقل فكر بحلو ( ن ) طراله
هاه يابوصالح وش قولك في التمثيل والشاهد. |
رد: البارحه يوم الصدر امتلا هم .. ويوم العقل فكر بحلو ( ن ) طراله
يقولون في البلاغه تشبيه تمثيلي واستعاره مكنيه وصريحه ما قصرت شبهة وصرحت وكنيت ههه عبرتك
ماهو ابو عضم . اما الشاهد اشهد انه يذكرني بشواهد الفيه ابن مالك الي خبرك درسناها . ومنها هذا الشاهد : ام الحليس لعجوز شرهبه &ترضى من اللحم بعظم الرقبه . هو ليه مندفع كلهم بعد كم سنه مثل ام الحليس . |
رد: البارحه يوم الصدر امتلا هم .. ويوم العقل فكر بحلو ( ن ) طراله
إبن لام الدويسي اقتباس:
ههههههههه ايه بخصوص بعد كم سنه ومع الكبر لزوم الواحد يغير الروتين يعني يجدد شبابه ويتزوج له وحده صغيرة هههههه انت وش قولك ؟. |
رد: البارحه يوم الصدر امتلا هم .. ويوم العقل فكر بحلو ( ن ) طراله
اقول هههههههههههههههههههه
جبت المفيد وتستا هل ختم الجوده يافهم يافهيم الدكتور سلامه طححت على العله هات قارورة الدواء |
رد: البارحه يوم الصدر امتلا هم .. ويوم العقل فكر بحلو ( ن ) طراله
^^^ ههههههههه ابو صالح اترك القاروره عندي لك حل والحل واضح من عنوانه طال عمرك يبي لنا نروح لأم ناصر اطال الله في عمرها وامدها الله بالصحه والعافيه يارب نبي نخليها تدور عروسه لك وش قولك تراني نصحتك ترى ابو دعفس سبقكم وباقي علوش وعمر لحق تراني ريض هههههه قولتك مالك بالجيزه. |
رد: البارحه يوم الصدر امتلا هم .. ويوم العقل فكر بحلو ( ن ) طراله
أستاذي سلامه العايد
مداخلة حسب الميانة أبو صالح مثل اللي يرمي حجرين في الظلام ويقول إذا أخطأ حجر يمكن يصيب الثاني دمتم بخير .... |
رد: البارحه يوم الصدر امتلا هم .. ويوم العقل فكر بحلو ( ن ) طراله
كبير بخت طويل بشت هلاً وسهلاً بم انك دخلت وقلت يرمي بحجارتين اتمنى منك ان توضح لي قد ارد ولا افهم مايقصده وياليت تشارك معنا شرفت وانورت ولا هنت. |
| الساعة الآن 09:40. |
Powered by vBulletin® Copyright ©2000 - 2024,