|
صداقة الجوال
دنـيا عــديمه للربع والرفـاقـه = فـيـها الـذي ودك مـن اليـوم فرقاه كرهتـها مالي على الصبر طاقـه = صـار الخـوي جــوّال يانـاس ويــلاه تـقول كـن النــاس فيـــها إعـاقــه = تـهرج مع انـفســها عليــها مــلامـاه ويـا البــرامـج لاهيــة بانـطـلاقـه = والضيـف جــالس ما لقـالــه مـبــالاه يـاشـيــن طبـع اللي فـقــد للّبــاقـه = راعيـــه ودك بـالـزبـيــري تـوطّــاه أحب راعي الطيب لي به علاقـه = راعي الوفا والطيـب نـفـرح بـطرياه ياصـاح عـوّد واقبـل الورد بـاقـه = عـوّد لـطبـع اللي هـل الطيـب تـبـغاه أنا صديقك لـ بـغيت الصـداقه = وانا خـويّـك لـ بـغيـت الـمخــاواه القلب لاهل الطيب يبدي اشتيـاقـه = حــب الـمــكارم والمـراجـل مـزايـاه |
رد: صداقة الجوال
الله الله ... ياسلاااااااااااااااام عليك ولدعموووو
صــــــــــح لــــــــســــــانـــك وعـــــلا شـــــانـــــك مبدع ومتألق كعادتك شاعرا القدير عبداللطيف الفضلي سلمت يمناك يارب العالمين يعطيك العافية لاحرمني منك ولامن روائعك العسسسل يسعدك الرحمن دنيا واخره |
رد: صداقة الجوال
كفوووووو يابعدي على هالقصيد السنع.....
صح لسانك ياشاعرنا الكبير المميز ولاهنت طال عمرك هههههه وترى ابياتك رغم حلاوتها وقوتها جابت لي الضحكه لاني تذكرت بعض المواقف اللي صرنا نشوووفها مع هالتطور العله مااقول غير الله يهدي الناس ويعقلهم....<<تراني ماني منهم ههههه غزووو هالجوالات اجتاح مجتمعاتنا... مالنا غير طولة البال والتفرج .................... كفيت ووفيت يامحاكي الواقع بروووعة احساسك وحرفك... لله درك خفظك الرحمن واسعدك،،،، |
رد: صداقة الجوال
العود الازرق
حياك الله يالغالي أسعدني مرورك الرائع صح بدنك وعساك سالم |
رد: صداقة الجوال
شموخ الجموح
تسعدينني بمرورك العطر مع كل قصيدة حتى أنني أتمنى أني أكتب في كل دقيقة قصيدة لمرورك نكهة خاصة وعسى ضحكتك دايمه مشكلة الجوال مشكلة غزتنا جميعاً ولكن المفروض أن لا تؤثر على عاداتنا وتقاليدنا صح بدنك وكلك مع أعطر تحياتي لشخصكم الكريم |
رد: صداقة الجوال
ماتجيب إلا الجزل شاعرنا الكبير
صح لسانك ولاهنت |
رد: صداقة الجوال
هلابك اخوي علوش
ماعليك زود صح بدنك وتسلم يالغالي |
| الساعة الآن 02:44. |
Powered by vBulletin® Copyright ©2000 - 2024,