ربعي حكام نجد يوم ذيك السنوات= قبايلن(ن) ما عاش من داس طرفها
ربعي حلالة الامور البسيطة و الصعيبات= من نسل طيء ما نوجد من يحدها
جدهم حاتم كساب للطيب والطايلات= من روس القوم اجا وسلمى سكنها
من لام اللي للطيب رافعة الريات= على القبايل و البشر فارضة هيبتها
اوسعت مساكنهم والارض والسموات= من شبه الجزيرة إلى ما يحدها
رفيقهم بقربهمم ما تجيه الحسرات= ما ينام الليل إلا متلحف(ن) من لحفها
منهم الكثران بالمغازي لهم بطولات= فرسانها يعصفون بكل من يصدها
بن جريد كبيرهم وقت المهمات = بالشجاعة كل الاوسمة تقلدها
من جاهم بسلم فاله كثير السلامات= ومن جاهم بشر فماله غير نكدها
ومنهم الفضول للطيب دايم كسابات= حليفها بقربها مبتعد عن شرها
فيهم من حبيب معشي القطارات= مشيخة ربعه بالكرم و الطيب مسكها
و آل مغير لغدت الليالي صعيبات= ما من قبيلة بالشجاعة سبقتها
ينحسب لهم بالمغازي كل الحسابات= شيخها بن حلتيم بالشجاعة رفعها
و ختامها سلام كثر القيم بالسموات = على ربع(ن) علومهم محد(ن) وصلها

صح اللسانك

قصيدة جميلة

بس لي تعليق على البيت

جدهم حاتم كساب للطيـب والطايـلات من روس القوم اجا وسلمـى سكنهـا

اعتقد ان حاتم الطائي ليس له علاقه في بني لام ولا يعتبر من جدان بني لام

هذا والله اعلم


خالص تحياتي وتقديري

اخوك / بن غزي 2005

حمود الدواجنة

صح السانك ولا هنت

يعطيك العافيه على القصيد

دمت بود