|
قصيدة لابن اخوي فواز راد علي بنت
قلت ارقدي في ليلتك وابشري خير=ماني برجال قصير... انتسابة ماكل طير لاارتفع يقال له طير=حنا هل الطولات وحنا الذيابة (ماجيت من (برزة) ولاديرتي (الدير)=حنا حكمنا وعلمنا ينحكي بة رجالنا لامن طلع زرقة عصير=حق علي العربان كلها تهابة حنا لنا طبع حشا طبعنا غير=لامن دخل في وجهنا صك بابة ماجاة زوير ولاجاة ذا عوير=ولاعندنا احد يحوسف شبابة وغداننا وعيالنا تسبق الطير=نسواننا فكت حروب ونشابة حنا انخلقنا للسبب والمعاذير=حنا انخلقنا للشرة والعتابة حنا انخلقنا للذهب عملة النير=حنا خلقنا ربنا ...للمهابة لامن غدا فينا ولد امرط السير=سهم صويب بمفرقك اية جابة للضيف نذبح الوضح والمغاتير=حق علينا وضيفنا مرحبا بة ميتين عام ومثلها نحكم الغير=نجد حكمنا واليمن وكل غابة نركب خيول مالحقها الاعاشير=حصن تروغ الافتح كل بابة صفرا وحمرا والابل بالمعاسير=تبرك علي العدوان برك السحابة نطرب علي صوت الهجيني والاشطير=نطرب علي دق النجر والربابة حنا كثير وربعنا المكاثير =حكام عز وخير ياجود لابة الايا توارت للردي والدواوير=في ساحة الميدان حنا صبابة سيوفنا تشكي الدما بالمعافير=خناجر تضرب صدور ورقابة ردي لفراشك وارقدي وابشري خير=ماني برجال قصير ...انتسابة وسلامتكم من كل شر |
رد : قصيدة لابن اخوي فواز راد علي بنت
اقتباس:
بس يا ليت تعطينا قصة ها الابيات لك خالص تحياتي اخوك / بن غزي2005 |
رد : قصيدة لابن اخوي فواز راد علي بنت
اقتباس:
ما توله على غالي وصح لسانك وصح لسان ولد اخوك فواز كفى و وفا واسمح لي علي اعادة تنسيق القصيده ننتظر قادمك |
رد : قصيدة لابن اخوي فواز راد علي بنت
صح لسانك اخوي ولهان الفضول وسلمت يمينك وما قصرت ،،،، تقبل فائق احترامي وتقديري ............. اخوكم : معااااند ااالوقت |
رد : قصيدة لابن اخوي فواز راد علي بنت
حاولة انتقي ابيات لاعلق عليها فوجدة نفسي انتقي جميع الابيات
صح السان فواز ولا هنت على النقل واتمنى انك تدعوة ليثري منتدى القبيلة بقصائده |
رد : قصيدة لابن اخوي فواز راد علي بنت
اولا الشكر لله ثم لمنتدي الفضول الاكثر من رائع اللي جمعنا
وثانيا لاخوي العزيز بن غزي 2005 علي ردة الجميل والقصة ان احد اصدقاء ولد اخوي من احد القبائل قال حق بنتة قولي علي سبيل المزاح ان الفضلي .......؟ وبعدها قال هذي الابيات . وثالثا اخوي العزيز AHMADOV صح بدنك وتسلم لي ورابعا اخوي العزيز معاند الوقت مشكور علي الرد الجميل وخامسا راعي العليا انت الرائع بانتقائك الابيات كلها الله يديم عزكم ياهلي الفضول والكثير . ودمتم لي مشكوريـــــــــــــــــــــــــــن. وراح اقول حق لولد اخوي انه يثري منتدانا بالقصائد. http://atshan.jeeran.com/KUWAIT5.jpg |
رد : قصيدة لابن اخوي فواز راد علي بنت
جعلك تسلم اخوي ولهان الفضول وتسلم على شعورك الطيب تجاه عيال عمك واللي جمعنا ما يفرقنا ان شاء الله ،،، تقبل فائق احترامي وتقديري ............. اخوكم : معااااند ااالوقت |
رد : قصيدة لابن اخوي فواز راد علي بنت
الله الله
صح لسان اخوك فواز واعتلى شانه وتشكر كل الشكر على النقل الرائع ويا ليت لو نشوف اخوك يشارك معنا ويطرح لنا وللجمهور الفضلي كل جديد ومفيد وبلغ اعجابنا الكبير بخوك فواز دمت يخير |
رد : قصيدة لابن اخوي فواز راد علي بنت
مـــــــــــــشكوره أخوي ولهان الفضول صح السانك على القصيدة الحلوووه الله يعطيك الف لف الف الف الف الف عافيه |
رد : قصيدة لابن اخوي فواز راد علي بنت
ربي يجعل تواصلكم محبة واحترام ومشكورين اخواني معاند الوقت و العيسى عشيرتي و خالد العبيدالله وان شاء الله في قصيدة حلوة قريبة .الله يجعلنا معاكم بخير مع اولاد العم الموجودين وشكرا
http://atshan.jeeran.com/KUWAIT5.jpg |
| الساعة الآن 09:40. |
Powered by vBulletin® Copyright ©2000 - 2024,