][جيت المكان اللي بوسطه تربيت // بيت قديم مأسسينه من الطين][


http://www.9adauae.com/vb/upload/08/...1221937558.jpg

جيت المكان اللي بوسطه تربيت
بيت قديم مأسسينه من الطين


بأطراف ذاك البيت بالفكر سجيت
ذكرت وقت ماضي لي من سنين


قمت أنثر العبرة من الدمع هليت
ضيقة بصدري رافقت دمعة العين


تبقى بك الذكرى ولو رحت واقفيت
ابكي على الاطلال لو ما بقى شين


باقي بك أشياء ذكرتني وحنيت
الزير وفراشي وبعض المواعين


واذكر سراج كان يضوي لنا البيت
على سنا ضوه نلف الميادين


ياكم ليلة عشت فيك وتهنيت
ياكم مضى لي بك من العسر واللين


يا بيت ياللي في خفوقي تعليت
اليوم باركانك تنام الثعابين


ليتني أعيد اللي مضى واسكنك ليت
لولا الظروف وقسوة الوقت هالحين


ما أنساك مهما غير اليوم سويت
مهما ملكت من الفلل والملايين

http://www.9adauae.com/vb/upload/08/...1221937558.jpg

الله يا وقت ٍ مضى ليته اليوم ,, ليت العصور اللي مضن يرجعني

دمتم بود

الصقررر

ههههههههههه

كل جيل وله ناسه ولو انها زين كان للحين الناس وسط الطين بزمن ابو حطب

ماتسوا علينا تجي عاصفه نغدي تحت الطين ولا بناي نذل يحط لك الساس ملح

تسلم يالصقررر يابن عمي على الموضوع

مع ان الشايب يقول بارد في الصيف دافي في الشتا

ياسلام على الهدوء في هذه البيوت

شيء روعه وهذاك زمانهم وهذا زمانا

وكل جيل له دوره وهذه الحياة

وتخيل يابن العم الصقررر

الجيل القادم مايعترف في بيوتنا الحاليه

والله يعطيك العافيه على هذه الصور والأبيات

بارك الله فيك

الله يا وقت ٍ مضى ليته اليوم ,, ليت العصور اللي مضن يرجعني


صح لسانكـــ واعلي شانكـــ ياعم ..


وعلي قول القايل قديمكـــ نديمكــ لو جديدكـــ اغناكـــ ..


موضوع جدآ رائع ياعم ولاتحرمنا من جديدكــ المعتاد ..


تحيتي لكـــ ..