الله على قرم ٍ من ملة قروم=اللي بيوت العز يسند عمدها
محمد ولد عبود النعم به دوم=واعزي من هي ماهو مثله ولدها
راعي العلوم اللي لاجابهاعلوم=ماهي سوالف كل من جا نقدها
اللي خذا المرجلة ماسامها سوم=روس المراقيب اشهد انه صعدها
مرحوم يا بن ماضي رثعان مرحوم=نار ٍ تخلّف نار ماهو رمدها
البارحة ياهلي ماجاني النوم=وانا القصايد اتمعّن شهدها
تصيب من هو بحب العيسى ملزوم=ولاهي تصيب اللي تمنى نكدها
رجل ٍ تربى على الفزعات للقوم=رجل ٍ تمنى للعشيرة سعدها
وحنا تربّينا ما نجهل العوم=ولانجهل الوان البحور وعددها
ولاصارت الفزعة با الموقف سلوم=من سلومنا الفزعة نضغط زندها
عاداتنا من اول... والماضي معلوم=وبيوتنا كم من واحد نشدها
وان الرّجال انواع ماكلّها عموم=ولاربي بنفس الطبايع عقدها
رجل ٍ كريم ورجل بوجهّ الشوم=ورجل ٍ اذا جتك الفرحة حسدها
ويابو معن تبشر ماقلت مفهوم=(ماتصلح الفرقة مع قلة عددها)

صح لسانك والنعم فيك

وتسلم يمناك .