|
فرقى العشاير ، للشاعر ( عبدالرحمن العوده ال بويت الفضلي )
السلام عليكم
هذه القصيده هي للشاعر :- عبدالرحمن العوده ال بويت الفضلي ، وقيلت تقريبا قبل مائة سنه ، ويرثى فيها حال الفضول ، وما وصولوا اليه من تشتت وفراق بعد ان كانوا سادات العرب ، وكانت اغلب القبائل تخضع الى حكمهم وسيادتهم ، وقيل انه قالها في دولة قطر عندما كان مستنجدا بالامير الشيخ :- قاسم بن محمد ال ثاني ، غفر الله لهم اجمعين . واليكم ماخطت يد شاعرنا :- قل الصبر ما لي على الصبر طاقات و القلب ما يهوى فراق العشاير فرقا العشاير من كبار المصيبات وإليا طروا لي قمت أجر الحساير عشاير من صلب جدّي فضولات كَسّابة العليا حماة القصاير إليا ذكرت افعالهم بالملاقات آنس فوادي من حشى الروح طاير وإليا اخطروا في البال جات المصيبات و تحركت الأشواق و الشوق جاير قومي هل الجودي نهار المثارات كسّابة الناموس والعج ثاير و ربعي إصدام الضد لاجاء بعيلات يردون حوض الموت و الحرب داير وربعي حماقا مايـدانـون زَلاّت في ضدهم ما يـسمعون الشواير شرط الظفر في حومة الحرب هدات يوم الوغى ربعي يسوو العباير حاشوا المراجل لابتي والشجاعات والجود والمعروف وفعل البراير وربعي هل السموت العزيزه وشيمات رفيقهم مايشتكي جور جاير وربعي بني فضلٍ حماة المخيفات و ربعي حماة الدار والملح ثاير وربعي هل العيلات حين الملاقات دَوّاسة الخصم المهين المغاير و ربعي يحملون الحمول الثقيلات و مصَبّئين اقلوبهم بالخساير و معودين الضيف ربعي بعادات صحون ملبوده بها السمن حاير و جنوب حيلٍ ناجحاتٍ معذّات من فوقهن تلقاه مثل الزباير وإليا طرا في البال عصرٍ لنا فات غاب الوجود وهاج نار الضماير حظٍ لنا في عصر شيخٍ لنا مات عوده بلغ ذكره بعيد الجزاير شيخٍ لبس للعز خلعه وهيبات تلقاه مثل سهيل وسط الزهاير كريم سبلا في السنين المحـيلات ينفد من الخـيرات شيءٍ كثاير والجود لـه في غرة الشيخ شارات بيـانـته للضيف يدّي الذخاير ريف الضعيف ونافلٍ بالمروات ولد الخصيم وضد من كان باير عصاتنا سيفٍ بهذيك الأوقـات نضرب بسيف الحظ والحظ ثاير دف ورقصنا لـه على الضد مَرّات لين انجلت منّا جميع المراير اقفت عليهم يوم الأيام عدلات هذاك مملوكٍ وهذاك ناير ما حن باول من بدر منه عيلات مثل الدواسـر بينهم و العماير من بعد ذا جاني من الصرف غارات أدعت زمازيم المعزّه نثاير صبرٍ لما أجــراه رب السموات و الصبر محمودٍ و خيره سفاير يا رب ترجع لي سنينٍ مريفات وتفكنا من ذا البلا والعزاير بحق قرآن المعظّم و تورات وانجيل عيسى والزبر والسراير وبحق ما أنزل بهم حرف وآيات ترحم دنــيفٍ مضني القلب حاير وتأمر بجمع الشمل و يّا الرفاقات يا واحدٍ معبود مـاله نظاير وتردنا في دارنـا عقب غربات على حسن حالٍ لـنا العـز زاير مــتى تواعدني بهذى البشارات و لعزوتي مني تروح البشاير يا الله عسى خير التغرّب سلامات حيث السلامه من كبار التجــاير آمين صلى الله على سيد من مات محمد المختار ما زار زاير تقبلوا تحياتي |
الله يرحمه ويسكنه الجنه
مشكورعلى النقل الرائع ياخو حوشه |
شكر وتقدير
بسم الله الرحمن الرحيم
السلام عليكم ورحمة الله وبركاته تقبل الله طاعتكم ابن العم اخو حوشه لك مني اجمل وارق تحيه على نقلك لهذه الابيات ، وهي لشخص يستحق كل تقدير واحترام من جميع ابناء القبيله . رحم الله تعالى الشيخ و الشاعر عبدالرحمن العوده ال بويت الفضلي وهو من نجباء القبيله وشعرائها الاجلاء ومره ثانيه شكرا على نقلك الطيب يا طيب ابو عبد العزيز |
هذة الصفات هي للشيخ عودة بن بخيت ال بويت الفضلي ضمنها الشاعر الامير عبدالرحمن العودة الفضلي في القصيدة
حظٍ لنا في عصر شيخٍ لنا مات عوده بلغ ذكره بعيد الجزاير شيخٍ لبس للعز خلعه وهيبات تلقاه مثل سهيل وسط الزهاير كريم سبلا في السنين المحـيلات ينفد من الخـيرات شيءٍ كثاير والجود لـه في غرة الشيخ شارات بيـانـته للضيف يدّي الذخاير تــــصــحــيح يا بن عمي هذة القصيدة قالها الشاعر عندما كان مسجون عند الاتراك اثر اخذنا بثأر ابونا الشيخ عودة غفرالله له مصورا معناة وفراق العشيرة ذلك الوقت وفراق القبيله باكملها وامجادها وبطولاتها وان شاء الله راح اكتب لكم عن الشيخ عودة وابناءة وحروبهم وبطولاتهم في اقرب فرصه وتقبلوا خالص تحياتي ابراهيم العودة الفضلي |
رحم الله صاحب القصيده
ويعطيك ألف عافيه يابعد زولي ياخو حوشه ، ماشاء الله عليك كل مانذكر قصيده الا تجيبها كامله يابعدي ، عاد أبي أتعبك معاي شوي ( واحد طماع ) !! اذا كان عندك قصايد للشاعر عبدالرحمن العوده الله يرحمه ، أو غيره من شعراء الفضول لا تبخل علينا بها ، على فكره له ديوان أو لا ، وذا كان له ديوان وين ألقاه ؟؟ |
تــــصــحــيح يا بن عمي هذة القصيدة قالها الشاعر عندما كان مسجون عند الاتراك اثر اخذنا بثأر ابونا الشيخ عودة غفرالله له
مصورا معناة وفراق العشيرة ذلك الوقت وفراق القبيله باكملها وامجادها وبطولاتها وان شاء الله راح اكتب لكم عن الشيخ عودة وابناءة وحروبهم وبطولاتهم في اقرب فرصه وتقبلوا خالص تحياتي ابراهيم العودة الفضلي |
السلام عليكم
الاخ / ابراهيم العوده
لك مني اجمل وارق تحيه بخصوص التنويه على سبب القصيده ، ولكن انا ذكرت مانصه (وقيل انه قالها في دولة قطر عندما كان مستنجدا بالامير الشيخ :- قاسم بن محمد ال ثاني ) يعني مو متأكد ولكن كلام شيبان :):) بس جزاك الله الف خير على التنويه ، بس لو تكمل معروفك وتقول لنا شسالفة الاتراك ، وشنو سالفة الثار ، ولك مني كل تحيه . الاخ / عبدالله الفضلي حاضرين طال عمرك ، وتعبك راحه اما بخصوص الشاعر عبدالرحمن العوده ، فا انا اعتقد ان الاخوان المشرفين ( الحر وابن عبيد الله ) والعضو ابراهيم العوده ، هم من نفس اسرة الشاعر ، ومثل مايقولون ( أهل مكه ادرى بشعابها ) أكيد قصائد الشاعر بتكون مدونه عندهم ومحفوظه ، واحنا بانتظارهم . سامحونا من القصور ، وتقبلوا تحياتي . |
السلام عليكم يا ابناء العمومه والله اني منحرج منكم لاني تأخرت عليكم بالرد
والعذر والسموحه مير اني انشغلت مع الاهل واحنا الان في العشر الاواخر وبعض الالتزامات وما قدرت اتواصل معكم لكن ان شاء في اقرب فرصه والتمس منك العذر منك يا بو حوشه خصوصا وابشر بعزتك واطلب حققك طال عمرك وانا راح افيدكم بمعلومات عن الشيخ عودة وابناءه كامله بحكم اني احد احفادة والمساله مساله وقت هذا وتقبلوا خالص تحياتي .. |
صصصصصصصصصصصصصصصصصصصصصصصصصصصصصصصصصصح لسان شاعرها
هذا القصيد الي يبيض الوجه موتمقيس بعض الناس والله يعطيك العافيه يا خو حوشه على نقلها |
الله يرحم قائل هذه القصيده
وصح لسانه ونرجو التوضيح من الاخ ابراهيم لاني ايضا سامع انه قالها في قطر وشكرا |
نعم القصيدة للأمير الشاعر / عبد الرحمن بن عوده
كماوردة قي ديوان ابن عوده وفي كتاب الفريد في الحقائق والأحداث والشكر كل الشكر لناقل هذه القصيده وحرصة على ان تنقل كما قالها شاعرها والله يعطيك العافية يا خو حوشة ياسنايدي وإلى الأمام في هذا الأبداع أخوكم / جلاد الفضلي |
الاخ / جلاد
الله يعافيك ماعليك زود طال عمرك تقبل تحياتي |
السلام عليكم ورحمة الله وبركاتة
اخو حوشة تسلم يمينك يالغالي الله يرحم الا مير الشاعر عبدالرحمن العوده ال بويت الفضلي |
صح لسانك ولسان اللي قايلها
|
يعطيك العافية ياخو حوشة
تسلم يا القويماني على هذة القصيدة الطيبة تسلم مرة اخرئ وتسلم يمينك |
| الساعة الآن 10:29. |
Powered by vBulletin® Copyright ©2000 - 2024,