قصيدة المراجل
1 مرفق
هذه القصيدة اعجبتني فحبيت انقلها لكم
إذا المراجل لبسة شماغ وعقال =========== قل للعذارى يلبسنّ العمايم ما عاد يفرق زول حرمه ورجال ============ دام الفعايل تشبه البعض دايم المرجله ما هيب كلمه وتنقال ============ وتروح ما راحت هبوب النسايم وإلا خشونة صوت أو رفع الأثقال ============ أو رزة صدور وفعل الزلايم ولا هي بعد مفتاح موتر وجوال ============ وإلا ردى لسانن حديثه شتايم المرجله شيمه عن القيل والقال ============ رفيع نفس (ن ) حر بالجو حايم المرجله عقلٍ وزن وزنه جبال ============ ودون العقل وش فرقنا والبهايم يا مسندي لو مايل الوقت بي مال =========== يا ولد أبويه يا عظيم العزايم يا معرب الجدين من العم والخال =========== يا نخوة المفزوع وقت الهزايم المرجله يا خوي هي طولة البال =========== هي العزم هي الصبر فالظلايم فيها الكرم عزه دله وفنجال ===========فيها الكرامه عن ردى الطبع شايم والدين لامنه خذا القلب منزل =========== مشى طريق الحق وابليس نايم ومن لا عرف ربه في طيب الحال ============ لابد وقت الضيق بالهم هايم حتى صلاتك مع جماعات ورجال ============ في خيرها يا خوي نعم الغنايم ولامن نصف ليلك قم صفي البال ============ يا عظم أجرك بين ساجد وقايم ولا من رفع ربي له كل الأعمال ============ حسن الذكر لا قالو فلان صايم وخلك شريف القصد يا طيب الفال ============ سوء المقاصد فالبيوت الهدايم واحذر تبيع النفس في درب الأنذال ============ وتتبع خوي إبليس راع النمايم النفس خيل لك إذا كنت خيّال ============= ومن لا قوى نفسه قوته الهزايم ولا صرت ما تدري لو يش أنت رجال ============= والله خسارة فيك ذبح التمايم منقول ..... |
المرجله شيمه عن القيل والقال
============ رفيع نفس (ن ) حر بالجو حايم المرجله عقلٍ وزن وزنه جبال ============ ودون العقل وش فرقنا والبهايم يا مسندي لو مايل الوقت بي مال =========== يا ولد أبويه يا عظيم العزايم صح لسانك يا أبراهيم وصح لسان الشاعره التى تخاطب أخوها فى شعرها انا أشهد أنها بنت رجال |
يعطيك العافية وتسلم يا غالي علئ الابيات الطيبة
تسلم يمينك يابو خليل |
يسلموووووووووووو اخوي / ابراهيم العودة على النقل
مشاركة رائعة من عضو أروع صح لسااااااااانك وصح لسااااااااان الشاعره مشكوووووووووووور |
المرجله شيمه عن القيل والقال
============ رفيع نفس (ن ) حر بالجو حايم المرجله عقلٍ وزن وزنه جبال ============ ودون العقل وش فرقنا والبهايم يا مسندي لو مايل الوقت بي مال =========== يا ولد أبويه يا عظيم العزايم صح لسانك يا أبراهيم وصح لسان الشاعره التى تخاطب أخوها فى شعرها انا أشهد أنها بنت رجال |
ابوعــودة مرورك الكريم أثلج صدري اي والله والله لا يهينك ياطويل العمر . ..
|
ولد الأمير لاهنت طال عمرك على مرورك الكريم طال عمرك
|
انت الأروع يا الاصيل اشكرك من الأعماق على مرورك الكريم
|
راعي العليا اشكرك على مرورك الكريم طال عمرك
|
الاخ الفاضل ابراهيم العوده
صح لسانك يا أبراهيم وصح لسان الشاعره ولاهنت على النقل الرائع يا رائع ولك مني ارق تحيه |
صح لسان الشاعره
ومشكور على النقل بس عندي سؤال إذا سمحت لي من هي الشاعره وما مناسبة القصيده ؟ |
صح لسانك ولسان من قال القصيدة وزيدك من الشعر بيت
يقول الشاعر الامير حمد بن علي العوده الفضلي الـــمــراجل صـــعيبة ودربــها عــالي ===== والـــردا مـــثل ســيل في تــحاديرة والـــــكرم والــــظفر كـسوات وبدالي ===== ومـــــن تـــردا رداه النذل له عيرة ومشكووووووووووووووووووووووور تحياتي / طيب الجد الفضيلي |
البارحه يوم الخلايق نيامه هجة غنمنا لينتنا مانمنا قعدنا الصبح لقينا غنم ماهي غنمنا
|
هذا من رداك ولا الرجال تنام نوم ذيابه تغمض عين وتفتح
عين والا أنت تنام وتوخذ وانت ماتدرى هذا الضاهر من كلامك وتراك انت البادى والبادى اضلم ان تأسفت أكتفينا وان زدت غطيناك بالى يرضيك وهذى اول مشاركه لك وما يستهين بالرجال الا ارداها . |
تحية واعجاب / بابن العم ابراهيم العودة
ابن العم الغالي / ابراهيم العودة / تحية واعجاب بهذه القصيدة الرائعة التي تعبر عن المراجل . وسلامي لك خاصة زلجميع الاهل والاقارب . واطلب منكم تشريفنا في حضور زواج / عبد المجيد الشديد / ابن اخي في الرياض في قاعة المرسلات بالعليا
وبحضوركم تزيد افراحنا هذا ماتمناه منكم يابن العم والله يحيكم وانا في انتظاركم وشكرا لكم... ابن عمومتكم / ناصر الشديد / ابوتركي/ جوال / 0555474785 |
الساعة الآن 04:08. |
Powered by vBulletin® Copyright ©2000 - 2024,