|
الا جميع اعظاء المنتدى والى كل الفضول وبني لام
بسم الله الرحمن الرحيم ...
الحمدلله والصلاة والسلام على رسول الله .... ياجماعه انا ابي مشاركاتكم في هذا الموضوع لأنه يهمني جدا جدا جدا ... انا اشار علي واحد من عيال عمي بأن نحاول ان احنا نجمع ابناء القبيلة هذي في دورية شهرية في مكان واضح ويقصده اي واحد من افراد هذي القبيلة او غيرها ..... وأشار علي بعد انه يكون مخيم يعني وفي مكان معروف واعجبني رأيه ودرسنا الموضوع انا وياه ولقينا انه تواجهنا مشكله واحده الي هي ... وين يكون موقع المخيم لنه وكلنا نعرف ان الجماعه منتشرين ناس في الكويت وناس في السعوديه وناس فس شمال السعوديه وناس في الجنوب وناس في الغرب والشرق وبما اني من اهل المحمل فأنا متكفل اني اجمع اهل المحمل وسدير وهو متكفل انه يجمع اهل القويعية والمزاحمية والمنطقه الغربية .... فأشار علي بعد انه نروح انا وياه للكويت ونشوف رأي الجماعه هناك ونروح شمال المملكه ونشوف راي الجماعه هناك بعد .... والموضوع يدرس الأن .... وحبيت استشيركم ..... وثاني مرة اققول الموضوع جدا جدا جدا يهمني واتمنى انكم تعطوني الرأي الصحيح ولا تبخلون علي بأرأكم ...... والله يوفقنا لما يحب ويرضى .... |
يابعد قلبي ياشاعرنا
اشكرك بعنف على حميتك وتواصلك لابناء عمك جعلك ذخر لنا ان شاء الله وراح اعلمك اخبار تسرك ان شاء الله واللي قلته راح ينفذ ان شاء الله ورايك سديد وفي احلى من محله تدري ليش لانك عسل |
يابعد عمري يابو مطلق وشاكر لك على كلامك الحلو الي يشبه لك والله اتمنى اسمع خبر مثل كذا يفرحني ويفرح كل ال جماعه وثاني مرة اشكرك على كلامك وعلى مرورك الي يشرفني ...
|
السلام عليكم الاخ / الشاعر الفضلي الله يعطيك العافيه ، وهذا من طيب اصلك والواحد ماله الا بني عمه الفكره حلوه ، وعجيبه جدا جدا ، لكن المشكله تكمن في التنفيذ ، تنفيذها صعب ، والصعوبه ان ابناء القبيله منتشرين باماكن واجد ، صعب انك تجمعهم بمكان واحد لكن انا اقترح شي يمكن يسهل العمليه انا اقول لو اهل الكويت يكون لهم مكان والا مثل ماقلت انت مخيم خاص فيهم يتجمعون فيه ، واهل المنطقه الجنوبيه في السعوديه كذلك ، واهل المنطقه الشماليه هم نفس الشي . وبجذي يكون في ثلاث اماكن بثلاث مناطق مختلفه ومتوزعه بطريقه جغرافيه حلوه وسهله ، تسهل على اي شخص الوصول لاي مكان فيهم . هذا من وجهة نظري ، ونحن بانتظار مقترحات الاخوان . |
ياصلب جدي وبعد حيي
حنا اسسنا هذا الموقع لاهداف كثيره ومنها صلة الرحم وراح نبذل كل ماعندنا لاجل العزوه وصلة الرحم والكلام هذا يشمل كل فضلي ولا تحاتون دام روسنا تشم الهوى ياعزوتي اللهم اجمع قلوبنا على الخير والمحبه والموده وابعد عنا السوء والبغض قولو امين |
رد : الا جميع اعظاء المنتدى والى كل الفضول وبني لام
وانا عبدالعزيزبن سعد بن حسن الحصان وين اهل حريملا ياالشاعرالفضلي
|
رد : الا جميع اعظاء المنتدى والى كل الفضول وبني لام
هلا يالشاعر والله تسوي خير بعيالنا اخ لو اني ولد
كان جمعت لك اللي عندنا بالشرقيه والله تحمست |
رد : الا جميع اعظاء المنتدى والى كل الفضول وبني لام
فكره حلوه ولكن فيه مخيم سيقام ان شاء الله في حفر الباطن بعد كم شهر سير ونحن معك |
رد : الا جميع اعظاء المنتدى والى كل الفضول وبني لام
اللهم اجمع قلوبنا على الخير والمحبه والمودة اللهم اجمع قلوبنا على الخير والمحبه والمودة اللهم اجمع قلوبنا على الخير والمحبه والمودة آمين . |
| الساعة الآن 08:35. |
Powered by vBulletin® Copyright ©2000 - 2024,