خيرك لغيري والشقا والعنا لي
للشاعر: الأمير عبدالله الفيصل
انا بليـت بحبكم مـن هبالي =والا انت ظل مالنا فيه مقيال (خيرك لغيري والشقا والعنا لي =والمشكل اني عارف كل الاحوال) أرمي بــروحي في بحرك الزلالي =وتنسفني أمواجك على يابس الجال اسأل فراشي كيف امضي الليالي =بالليل لي حال ومعكم لي أحوال مـن خوفي الشمات تـشمت بحالي =ويكثر على من العدا القيل والقال أنت السبب ولعتني ياغـــزالي =وفتحت لي دنيا جديدة بالامال وابعدت خــلاني وجـيتك لحالي =وفرشت قلبي لك مقر ومدهال ويوم أبعدن حبالهم عن حبالي =ودريت انك عندنا غالي المال أبديت عقب الحب صافي الجفا لي =وخليتني محتار في أشهب اللال نصــيت رب عـــالم ماجرا لي =ماحط دون الخلق حاجب ومرسال منحني السلوان مـنشي الخيالي =ورد الحياة لسايل ماطلب مال وأبعد خيالك خالقي عن خيالي =وقصر علي الليل من عقب ماطال واليوم ترسل لي وتبدي الوفالي =وتبدي لي أعذار قصيرات وطوال تبي تجدد ما انقطع من وصـــالي =وتبدي من الفتنة لي ألوان وأشكال تردني في حــالي اللي مــضى لي =ترضي غرورك بس ياحسن الاقبال ماعــاد تخدعني عقب مابــدا لي =وان عدت فيما عفت مانيب رجال |
رد: خيرك لغيري والشقا والعنا لي
|
رد: خيرك لغيري والشقا والعنا لي
سلمت يمنآآآآآآك ياولد العم ولاهنت
انتقاء راآآآآآآآآآآآئع لايعلى عليه مميز دائما .... واضافه وحضور استاذنا وشاعرنا اسير الوفاء...زاد الموضوع تألق ..... دمت بحفظ الرحمن ورعايته,,,, |
رد: خيرك لغيري والشقا والعنا لي
قصيدة رائعة
من القصائد القديمة التي لا أنساها اختيارك موفق أخوي ابن عباد |
الساعة الآن 08:00. |
Powered by vBulletin® Copyright ©2000 - 2024,